कोरियामा भलिबल खेलको उपाधि बाग्लुंग सम्पर्क समितिलाई(फोटो फिचर सहित )

सुर्य क्षेत्री ,दक्षिण कोरिया 
सुदुरपश्चिम समाज कोरियाले आयोजना गरेको प्रथम सेती महाकाली खुल्ला भलिवल प्रतियोगिताको प्रथम उपाधी बाग्लुङ संपर्क समितीले हात पार्न सफल भएको छ ।

तनहुँ प्रवासी समाजलाई ठुलो  अन्तरले पराजित गर्दै बाग्लुङले प्रथम उपाधी हात पार्न सफल भएको हो ।  यस अघीका खेलहरूमा कडा प्रतिस्पर्ध हुंदै आएको कास्की परिवार भने तेस्रो स्थानमै चित्त बुझाउनु पर्यो  । यस अघी कतिपयले बाग्लुङ संपर्क समिती र कास्की परिवार बिच कडा प्रतिस्पर्धा हुने अनुमान गरेका भए पनि बाग्लुङ सम्पर्क समितीले सहजै २ खेलमै ठुलो अन्तरका बीच पराजित गरेको थियो | यस अगाडीका विभिन्न प्रतियोगिता हरुमा  पनि बाग्लुंग  सम्पर्क  समितिले पटक पटक प्रथम स्थान प्राप्त गर्दै आइरह्र्को छ |  यसरि बाग्लुंग सम्पर्क समिति दक्षिण कोरायामा खेलकुद क्षेत्र  बाहेक पनी समाजसेवामा सबै भन्दा बडी  सक्रिय र आर्थिक रुपमा  पनि अन्य संघ संस्था भन्दा अब्बल संस्थाको रूपमा चिनिन्छ  |यस संस्थाले कोरियामा मात्र नभएर नेपालमा पनि बाग्लुंग जिल्ला भित्र एम्बुलेन्स सेवा लगायत विभिन्न स्कूल ,पुस्तकालय ,अस्पताल तथा प्राकृतिक प्रकोपमा सक्दो सहयोग गर्दै आइरह्र्को छ | यस  संस्थालाई अज दक्षिण कोरिया भित्र रहेका  सम्पूर्ण जिल्ला बासी दाजुभाई तथा दिदि बहिनि हरुलाई समेटेर  सक्रिय र मजबुद बनाऊदै लगिने र  बाग्लुंग जिल्लामा अन्य विकास निर्माणको काम मा पनि सहयोग गर्ने लक्ष्य रहेको समितिका अध्यक्ष तारा के.सी ले जानकारी दिनुभयो |