नेपाली राजदुताबासद्वारा किम्हेमा एमआरपी आवेदनको लागी घुम्ती सेवा

निर्मल थपलिया,किम्हे-
मेसिन रिडेबल पासपोर्ट (एम आर पी) बनाउने आबेदन लिनको लागी  नेपाली राजदुताबास दक्षिण कोरियाको घुम्ती सेवा किम्हेमा आउने भएको छ |

किम्हे तथा सो वरपरका नेपालीहरुले  राजधानी सउलसम्म जानआउनको लागी समय बढी लाग्ने र खर्चिलो हुने भएको हुदा बिगत लामो समय देखि घुम्ती सेवा प्रदान गर्न राजदुताबास समक्ष अनुरोध गर्दै आएको थिए | राजदुताबासले केहि महिना अगाडी पनि किम्हेमा एम आर पी बनाउनको लागी घुम्ती सेवा दिएको थियो | समय मिलाएर घुम्ती सेवा दिने आश्वासन पाए पछि किम्हे मैग्रेंट्स हाउसको सहयोग र एन आर एन कोरिया को क्षेत्रीय समिति (बु.उल ख्यंग) को सक्रियतामा केहि समय यता ३५० जना नेपालीको एम आर पी बनाउनको लागी फारम भरि सकेको छ | उक्त भरिएको फारमको साथमा आवश्यक  पर्ने कागजात पासपोर्ट र नागरिताको साथमा फोटो कपी, ३ प्रति फोटो, र लाग्ने दस्तुर:१७८००० वन को साथमा उपस्थित हुनु पर्ने छ | ३० तारिक आइतबारको दिन बिहानै ८ :०० बजेबाट फारम बुझ्ने काम गर्न शुरु गरिने  भएको छ | बिहान १२ :०० सम्म २०० क्रम संख्या सम्मको आबेदन लिने र बाकी रहेकाहरुको लागी त्यस पछि लिने गरि व्यवस्था मिलाइएको छ |  छिटो र छरितो गरि सबै आवेदकले फारम बुझाउन सकुन र थप नयाँ फारम पनि भरि बुझाउन सकियोस भन्ने उदेश्यले हरेक आवेदकबाट  सहयोगको अपेक्षा गरिएको एन आर एन क्षेत्रीय कमिटिका अध्यक्ष दिपक राज रेग्मीले बताउनु भएको छ | फारम बुझाउने स्थल किम्हे मैग्रेंट्स हाउस किम्हे जाने बाटोमा रहेको फोटो स्टुडियोबाट १००मि. भित्र रहेको स्कुलको परिसरमा हुने कुरा पनि जनाउनु भयो |  राजदुताबासको घुम्ती टोलि किम्हे ल्याउने कार्यक्रमको संयोजन एन आर एन कोरियाले  गरेको हो भने कार्यक्रमको आयोजना एन आर एन कोरियाको क्षेत्रीय कमिटीले गरेको हो |