कोरियामा नेपाली महिलाहरुले मनाए १०४ औं नारी दिवस ( फोटो फिचर सहित )

रमेश खावाजु ,दक्षिण कोरिया l
दक्षिण कोरियामा मार्च ९ तारिक आइतबारका दिन दोङदेमुनमा  महिलाहरुको साझा संस्था वोमन फर वोमनद्वारा  आयोजित  १०४ औँ अन्तर्राष्ट्रिय नारी दिवस सम्पन्न भएको छ l

अमेरिकामा कपडा उद्योगमा काम गर्ने मजदुर महिलाहरुले समान काम, समान ज्याला लगायत महिलासँग सम्बन्धित अधिकारको आवाज उठाउँदै गरेको संघर्ष सफल भएको दिनको सम्झनामा विश्वभरका महिलाहरुले नारी दिवस  मनाउने गरिन्छ । यस बर्ष पनि मार्च ८ तारिकका दिनमा नेपाल लगायत बिश्वभरका महिलाहरुले   नारीको हकहित, चेतना र समानता लगायत विभिन्न महिला अधिकारका बिषयहरु समेटी  कार्यक्रमहरु गरि १०४ औं नारी दिवस मनाइसकेका छन् l

त्यस्तै मार्च ८ तारिकमा नारीदिवस भएतापनि दक्षिण कोरियामा रहेका नेपाली महिलाहरु भने ९ तारिक आइतबार सार्बजनिक बिदाको समय मिलाएर नारी दिवस मनाएका छन् l सउलस्थित  दोङदेमुनको शुभेक्षा रेष्टुरेन्टमा दिउसो ४ बजे  सुरु भएको नारी दिवसमा कोरियाका बिभिन्न संघसंस्थाका प्रतिनिधिहरु तथा महिला दिदिबहिनीहरु करिब ५० जना सहभागी भएका वोमन फर वोमनका कोषध्यक्ष सन्ध्या बुद्धाचार्यले  बताइन्   l कार्यक्रममा प्रमुख अतिथि कोरियाका लागि नेपाली राजदूत कमानसिंह लामा पत्नी इन्द्रमाया तामाङ,  तथा अतिथिहरु  महिलाका लागि महिलाकी सल्लाहकार लक्ष्मी गुरुङ , एनआरएनका अध्यक्ष  बिनोद कुँवर ,एनसीसी कोरियाका अध्यक्ष लोचन राई, जनजाति महासङ्घ कोरियाका अध्यक्ष भक्त शेरचन, श्रम सहचारी अनिल गुरुङ लगायत अन्य अतिथिहरुले पनि आ-आफ्नो धारणाहरु  राखेका थिए । सचिव विमला श्रेष्ठले सञ्चालन गरेको कार्यक्रममा उपाध्यक्ष मल्लिका थकाली श्रेष्ठले स्वागत मन्तब्य तथा  अध्यक्षता संस्थाका अध्यक्ष जुनु गुरुङले गरेकी थिइन् ।

नेपाली महिलाहरु तथा कोरियाबासि नेपालीहरुको  बाक्लो उपस्थिति रहेको सो कार्यक्रम करीब ७ बजे सम्ममा चलेको थियो l कार्यक्रमलाइ सफल बनाउन सहभागी हुनु संघ संस्थाका प्रतिनिधिहरु ,नेपाली दिदिबहिनीहरु तथा कोरियाबासि नेपालीहरुलाइ संस्थाका अध्यक्ष जुनु गुरुङले धन्यबाद ब्यक्त गरिन  l