उत्तर कोरियाले ३० वटा रकेट परीक्षण गर्यो -

नमस्ते नेपाल कोरिया संवाददाता 
   उत्तर कोरियाले शनिबार बिहान  ४ बजे आफ्नो पूर्वी समुन्द्रमा ३० वटा छोटो दुरीका रकेट परीक्षण गरेको दक्षिण कोरियाली अधिकारीहरुले बताएका छन् ।

गत हप्ता पनि  उत्तर कोरियाले ७० किलोमिटर मार हान्ने २५ वटा रकेट परीक्षण गरेको थियो l प्योङयाङले नियमितरुपमै रकेट प्रक्षेपण परीक्षण गर्ने गरेको भएपनि यो संख्या भने अनपक्षितरुपमा धेरै भएको अधिकारीहरुको भनाइ छ l  सउलको  रक्षा मन्त्रालयले उत्तरका रकेट करिव ६० किलोमिटर पर सम्म मार हान्ने क्षमताका रहेको बताएको छ ।

अहिले करिव १३००० अमेरिकी र दक्षिण कोरियाली सेनाले दक्षिण कोरियामा सैन्य अभ्यास गरिरहेको छ ।उत्तर कोरियाले अमेरिका र दक्षिण  कोरियाको संयुक्त  सैनिक अभ्यासलाई कोरियाली प्रायद्वीपमा हमला गर्ने चालवाजीको सज्ञा दिँदै आएको छ । दक्षिण कोरिया र अमेरिकाले गरिरहेको संयुक्त सैन्य अभ्यासको विरोधमा प्योङयाङले यस्तो कदम चालेको अनुमान गरिएको कोरियन सञ्चार माध्यमहरुले जनाएको छ l