नेपाल योङ स्टार ग्रुपले दिनेश कायस्थलाइ सम्मान तथा बिदाइ गर्यो

रमेश खावाजु - सउल ,दक्षिण कोरिया l
नेपाल योङ स्टार ग्रुप कोरियाले मार्च ९ तारीक आइतबारका दिन सउलमा    संस्थाका कोषाध्यक्ष  दिनेश कायस्थलाइ  सम्मान तथा बिदाइ गरेका छन् l

राजधानी सउलको  दोङदेमुनस्थित लुम्बिनी रेष्टुरेन्टमा बिहान १२ बजे  सम्मान तथा बिदाइ कार्यक्रम सुरु भएको थियो l कार्यक्रममा नेपाल योङ स्टार ग्रुपका कार्यसमितिका पदाधिकारीहरु तथा अन्य सहभागी नेपाली साथीहरुले पनि  दिनेश कायस्थलाइ खादा ओढाई सम्मान गरेका थिए l कोषध्यक्ष दिनेश कायस्थले कोरियामा परोपकारी कार्यमा  अग्रणी भूमिका निभाएका नेपाल योङ स्टार ग्रुपको  स्थापनाकाल देखि  हरेक गतिबिधिहरुमा सक्रिय भइ योगदान दिएबापत सम्मान गरेको संस्थाका कार्यबाहक अध्यक्ष लोक लामाए बताए l करिब ३ बजे सम्म भएको सम्मान तथा बिदाइ कार्यक्रममा  संस्थाका पदाधिकारीहरु तथा चितवन सम्पर्क समितिका अध्यक्ष कमल प्रसाद अर्याल ,नेपाल गोर्खा परिवारका उपाअध्यक्ष राजेन्द्र श्रेष्ठ , काभ्रे सम्पर्क समितिका अध्यक्ष मन महेश भुजेल तथा नेपाल पत्रकार महासंघ कोरिया शाखाका सदस्य मिङमार लामा सहभागी भएका थिए l  दिनेश कायस्थ मार्च १० तारिकमा आफ्नो भिसा अबधि  समाप्त गरि सोमबारका दिन नेपाल फर्किसकेका छन् l