नेपालीहरुलाई सफल र धनी बनाउन मेरो उमेरद्वारी

खेम कार्की ,कोरिया 

गैर आवासिय नेपाली सघं दक्षिण कोरियाको सेम्टेम्बर २९ तारिख मंगलबार निर्वाचन प्रकृया हुन लागेको छ । यस अघि २० अघि आइतबार पहिलो शत्र अन्तर्गत अधिवेशन संगै निर्वाचन प्रकृयाको लागि रुद्र शर्माको संयोजकत्वमा निर्वाचन समिति गठन गरेको छ । निर्वाचन कमिटिले बनाएको कार्यतालिका अनुसार २९ तारिख विहान १० बजेबाट निर्वाचन प्रकृया शुरु हुने छ । हाम्रो यस संस्थामा भूमिका के हुने भन्ने प्रश्न व्यापक रुपमा उठेको छ । कोरियामा ३२हजार नेपालीहरुमा २८ हजारको संख्यामा रहेका मजदुरहरुलाई प्रमुख जिम्मेवारी दिएर उनीहरुलाई आफ्नो संस्था हो भन्ने विश्वास नदिलाए सम्म यो संस्थाले आफ्नो उदेश्य प्राप्त गर्न सक्दैन ।

हामी मजदुरहरुको समस्या हेर्ने विभिन्न संस्थाहरु छन नि भन्ने प्रश्नहरु पनि एकातिर छन । ती ठाँउमा हामी मजदुरुहरुको आफ्नै प्रकारको सहयोग र भूमिका रहनु आवश्क छ । एन आर एन अन्तर्गत विश्वका नेपाली मजदुहरु जो २ वर्ष देखि देश वाहिर रहेका छन केही शर्त सहित सबै एन आर एन मानेको छ । यही विश्वव्यापी संजालको कारण गैर आवासिय नेपाली संघबाट नेपालमा बस्ने नेपालीले ठूलो आशा गरेका छन ।

नेपालमा २०७२ साल वैशाख १२ गते महाभुकम्प जाँदा एन आर एन ले परोपकारी अभियानमा धेरै प्रभावकारी भूमिका खेलेको छ । कोरियामा हरेक सामाजिक अभियानमा मजदुरहरुको उल्लेखनिय भूमिका रहेका छ । यस अघि नेपाल हाउस अभियान लगायत धेरै अभियानले यो प्रमाणित गरेको छ ।

एनआरएन कोरियामा मजदुर मैत्रीको कुरा उठेको छ , यसको मतलब महिला मैत्री , विधार्थी मैत्री हुनु नहुने कुरा होईन । गैर आवासिय नेपाली संघ सबैको साझा संस्था हुने पर्छ समग्रमा समग्र नेपाली मैत्री एनआरएन हुनुपर्दछ ।

कोरियामा रहेका परोपकारी अभियानमा सहभागि हुन चाहने , देश र समाजका लागि केही गर्छु भन्ने युवाहरु एक जुट भएर अगाडि बढनुपर्छ ।

सामाजिक सेवामा लाग्ने भनेको आफुले सकेको समय त्यसको लागि दिने हो । आफूले नसक्ने खालका भ्रमहरु छरेर समाजलाई अति धेरै असजिलोमा राख्न हुदैन । मानिसले आफ्नो आफ्नो ठाउबाट त्यसको लागि सहयोग गरिरहेको हुन्छ । कोरियामा हुने धेरै सामाजिक अभियानमा अभियन्ता बनेर प्रचार प्रसार गरेर सामुहिक अभियान बनाउन मैले योगदान गर्दै आएको छु ।

हामीले विर्सन नहुने कुरा के हो भने एन आर एन देशलाई धनी बनाउन लागि परेको संस्था हो । जनता जनताविचको सम्बन्धलाई प्रयोग गरेर यसले राष्ट्र पर्यटन,कृषि,प्रविधि लगायत धेरै क्षेत्रमा विकास गर्न सक्दछ । तर एन आर एन ले नेपालीहरुलाई धनी बनाउनु पर्नेमा आफूलाई धनी हो भन्ने मात्र काम गरेको छ । हामीले कोरियामा रहेका मजदुरहरुको निश्चित कमाईलाई कसरी उत्पादन मुलक काममा लगाउने भनेर भिजन दिन सक्नु पर्छ । एन आर एन कोरिया मार्फत नै यस्ता भिजन तयार गर्न सकिन्छ अर्को तिर अन्तराष्ट्रिय कमिटी मार्फत पनि विभिन्न लगानीका योजना तयार गरी कोरियामा रहेका मजदुरहरुलाई धनी बनाउन पहल गर्दछु |

उनीहरुको ज्ञान सिप योग्यता क्षमतालाई प्रयोग गर्ने नीति अपनाउनु पर्दछ । हामीले सरकार र दुतावास संगको सहकार्यमा यस्ता योजनाहरु ल्याउन सक्छौं यति गर्न सकेको खण्डमा कोरियामा रहेका नेपालीहरुमा एन आर एन प्रतिको विश्वास बढछ ।

हामीले गर्नै नसक्ने ठूला कुरा गर्ने काम गर्ने भन्दा पनि सकिने कामको प्रण गरेर अगाडि बढनु पर्छ । धेरै नेपालीहरुलाई स्वस्फुर्त रुपमा संस्थामा आवद्ध हुने वातावरण बनाउन पर्दछ । कार्यसमितिमा आउनको लागि महंगो शुल्क राखेर मजदुरहरुको ढाँड सेक्ने प्रवृत्तिले नकारात्मक सन्देश फैलन जान्छ । नेपालमा पाँचतारे होटलमा भडकिलो र खर्चिलो कार्यक्रम गरेर धनीमानीको संस्था भनेर धेरै ठूलो आशा देखाउने भन्दा नेपालीले विश्वास गर्ने काम जनस्तरबाट गर्नुपर्दछ । भुकम्प पिडितलाई प्रारम्भिक सहयोग गरेर नेपालीको मन जितेको एन आर एन ले अब दोश्रो चरणको पुर्ननिमाणको लागि गाँउ बनाउने अभियानमा एक जुट भएर लाग्नु पर्दछ ।

एनआरएन कोरिया र अन्तराष्ट्रिय समन्वय परिषद विच समन्वयको काम गरी कोरिया रहेको नेपालीहको जीवनस्तर उकास्न महत्वपूर्ण लगानीका कार्यक्रमहरु , देशलाई समृद्ध बनाउने योजनाहरु ल्याउनको लागि पुलको रुपमा काम गर्ने दुढ संकल्प लिएको छु ।

-