दक्षिण कोरियाको अस्पतालमा आगलागी, २१ को मृत्यु (फोटो फिचर सहित )

 नमस्ते नेपाल कोरिया डट कम 
दक्षिण कोरियाको जानसियोंग सहरस्थित योयाङ नामक अस्पतालमा आगलागी हुँदा २१ जनाको मृत्यु भएको छ ।

३ सय ९७ शय्या क्षमता   अस्पतालको दोश्रो तलाको ३०६ नम्बर शय्याबाट आगलागी सुरु भएको थियो । आगो करीब ३० मिनेट सम्म लागेको थियो  l १० जनालाइ सुरक्षित निकालेको थियो भने  ६ जना गम्भीर घाइते भएका छन् l

आगलागी हुन १ मिनेटअघि उपचार शय्यामा रहेका ८१ बर्षीय बृद्ध बाहिर निस्केको सीसीटीभिमा देखिएको प्रहरीले जनाएका छन् । उनलाई प्रहरीले एक घण्टापछि अस्पताल परिसरबाट पक्राउ गरेको छ । त्यहाँ  ३५ भन्दा बढी बिरामी उपचारमा थिए ।   सो अस्पतालमा भएको आगलागीमा परी मृत्यु हुनेमा २० जना बिरामी र एक जना नर्स रहेको  योनहप न्युज  एजेंसीले जनाएको छ ।

यसैबीच, दक्षिण कोरियाका राष्ट्रपति पार्क जियुनले घटनाप्रति माफी माग्दै शोकसन्तप्त परिवारप्रति समवेदना प्रकट गरेकी छन् ।

दक्षिण  कोरियामा यो हप्ता भिषण  आगलागी भएको दोश्रो घटना हो l यस अघि पनि बस स्टेशनमा आगलागी भएर ७ जनाको मृत्यु भएको थियो