तमूधिँ कोरियाको सम्मान कार्यक्रम सम्पन्न

मञ्जु गुरुङ ,दक्षिण कोरिया -
तमूूधिँ कोरियाले आइतबार कोरियाको राजधानी सउलको सिन्सलदोङ स्थित आफ्नै  कार्यलयमा बृहत भेला तथा सम्मान कार्यक्रम सम्पन्न गरेको छ ।

कार्यक्रममा एचारडीले आयोजना गरेको कोेरियामा श्रमिकको अनुभव बारे लिखित प्रतियोगितामा सर्वोत्कृष्ठ भएका टंक गुरुङलाई विषेश सम्मान गरेको छ । १५ देश मध्ये प्रथम बनेका गुरुङलाई प्रमुख अतिथि कोरिया स्थित नेपाल राजदूतबासका श्रम सहचारी अनिल गुरुङले खादा ओढाई सम्मानपत्र प्रदान गर्नुभएको थियो । एचआरडीले गुरुङका परिवारलाई नेपालबाट कोरिया झिकाई पाँच दिन विभिन्न स्थानमा भ्रमण गराएका थिए भने नेपाल राजदूतबासले पनि सम्मान गरेको थियो ।

कार्यक्रममा कोषाध्याक्ष एक बहादुर गुुरुङले तमूधिँको आर्थिक विवरण प्रस्तुत गर्दै २०७० को ल्होसार कार्यक्रममा विभिन्न सहयोगबाट जम्मा ८८ लाख ५३ हजार १ सय कोरियन वन प्राप्त भएकोमध्ये ३४ लाख ५२ हजार १ सय वन खर्च कटाएर ५४ लाख १ हजार वान बचत रहेको जानकारी गराउनुभयो । त्यस्तै सोही बचतबाट तमूधिँद्वारा नेपालमा निमार्णधिन रहेको शब दाहन गृहको लागि ४ लाख नेपाली रुपैया नेपाल पठाइसकेको पनि जानकारी गराउनुभयो ।
तमूधिँका अध्यक्ष सुरज गुुरुङको सभाअध्यक्ष रहेको कार्यक्रममा प्रमुख अतिथि सहचारी गुरुङले एकता नै बल हो भन्दै तमूहरु सदैब एक भएर अघि बढ्न सुझाव दिनु भयो । महासचिव प्रितम गुरुङद्वारा संचालित कार्यक्रममा बौद्घ परिवारका अध्यक्ष इश्वर गुरुङ, महिलाका लागि महिलाका अध्यक्ष जुनु गुरुङ र कास्की परिवारका सचिब खोम गुरुङ लगायत अन्य बक्ताहरुले विगतमा देखिएका कमी कमजोरीलाई सुधार गर्दै सबै तमूहरुलाई समेटेर अघिबढ्नु पर्ने सुझाब दिनुभयो । खान पिन सहित आयोजित कार्यक्रममा  गत ल्होसार कार्यक्रममा सहयोग गर्ने विभिन्न तमू व्यवसायीहरु र कलाकार तथा व्यवस्थापनका सहयोगीहरुलाई कदरपत्र सहित  सम्मान गर्यो ।