म बाँच्न चाहन्छु :मृगौला पिडित कृष्ण बहादुर शाही

• नमस्ते नेपाल कोरिया डट कम

• ०३ अक्टोबर,२०१५ ,कोरिया ।
• 
  

  म बाँच्न चाहन्छु :मृगौला पिडित कृष्ण बहादुर शाही को आग्रह
• शाहीलाई सहयोह गरिदिन “धादिङ्ग समाज कोरिया” को अपिल -

  आगिन्चोक-५, देलिस्वारा, धादिङ्ग घर भएका २८ बर्षीय कृष्ण बहादुर शाही दुबै मृगौलामा खराबी देखिएपछि बिगत ६ महिना देखि निदान अस्पताल ललितपुरमा उपचार गर्दै आएका छन् । उनले हाल सम्म उपचार र डाईलसिसको लागि आफुले कमाएको केहि, र साथीहरुको सहयोग गरि झन्डै ७ लाख रूपैयाँ खर्च गरिसकेका छन् भने मृगौला प्रत्यरोपण गर्नुपर्ने भएकोले अझै १६ लाख रूपैयाँको हाराहारीमा खर्च लाग्ने अनुमान गरिएको छ । पहिले भारतमा सामान्य जागिर गर्दै आएका शाही भबिष्यको सुनौलो सपना बुनेर केहि समय अघि दुवै (UAE) गएका थिए । गत बैशाखको महाभूकम्पले उनको घर-परिवारलाई पनि ठुलो क्षति पारेपछि उनि घर -व्यवहार सम्हाल्न भनि घर फर्केका थिए । सामान्य अवस्थामा फर्के पनि फर्केको केहि समय पछि उनि बिरामी परे र जचाउँदा दुवै मृगौलाले काम नगर्ने अवस्थामा पुगिसकेको थाहा पाईएको उनि बताऊछन् । एकातिर भूकम्पले दिएको चोटको पिडा त छँदै थियो, त्यसमाथि परिवारको आर्थिक श्रोतको आधार आफ्नो दुवै मृगौलाले काम नगर्ने भएपछी झनै उनि माथि ब्रजपात आइपरेको छ । त्यति मात्रै नभई उनको आफ्नो जिबनको आधार बुबा जन्मजात अपाङ्ग हुन् भने आमाको मृत्यु भैसकेको छ । देश-बिदेशमा रहेका विभिन्न संघ-संस्था तथा समाज सेवी ब्यक्तित्व हरुको सानो-सानो सहयोग पाए उनले नयाँ जिबन पाउने थिए भन्दै पिडित शाही र आफन्तहरुले गरेको अग्रह लाई स्वीकार्दै “धादिङ्ग समाज कोरिया” ले पनि उनको उपचारमा सकेको सहयोग गर्न भनि सन्तोष अधिकारीको संयोजक्त्वमा कोरियामा सहयोग सङ्कलन थालिएको हुँदा, विभिन्न संघ-संस्था तथा ब्यक्तित्वहरुलाई सहयोगको लागि हार्दिक अनुरोध गरिएको छ ।

  सहयोगको लागि,

  HANA BANK : A/c No. 849-910149-26407 (산토시) / (Adhikari Santosh) Contact No : 010-4968-6954