नमस्ते नेपाल कोरिया संवाददाता
रोजगारीको शिलशिलामा कोरियामा रहँदा ज्यान गुमाएका कास्कीका भविश्वर गुरुङको परिवारलाई कास्की समाज कोरियाले सहयोग गरेको छ । समाजको अगुवाईमा संकलन भएको ३ लाख ६२ हजार ५ सय रूपैयाँ भविश्वरकी धर्मपत्नी विमला गुरुङलाई शुक्रबार हस्तान्तरण गरियो ।
गत असार २७ गते भविश्वरको हृदयघातका कारण कोरियामा निधन भएको थियो । लेखनाथ–१२स्थित गगनगौंडामा घर भएका गुरुङ बिगत ६ वर्षदेखि कोरियामा थिए । श्रीमानको मृत्युपछि घरपरिवारको सहयोग नपाएपछि बिमला ७ वर्षीया छोरी बिन्ती र ११ वर्षीय छोरा विज्ञानलाई लिएर पोखरा–१२ शीतलदेवीमा माइतीको सहारामा बस्दै आएकी छन् ।
छोरा–छोरीको अध्ययनमा केही भएपनि सहयोग पु¥याउने उद्देश्यले बिमलालाई आर्थिक सहयोग गरेको कास्की समाज कोरियाले जनाएको छ । संस्थाका वरिष्ठ सल्लाहकार मदन केसी, सल्लाहकार तीलबहादुर गुरुङ, कोषाध्यक्ष कमल बस्नेत, पूर्व उपाध्यक्ष घमबहादुर गुरुङलगायतको टोलीले उक्त रकम शुक्रबार बिमलालाई हस्तान्तरण गरेका हुन् ।
समाजका अध्यक्ष नवीन गुरुङ, सचिव खुमप्रसाद गुरुङलगायत समाजका पदाधिकारी तथा सदस्यहरुको सक्रियतामा रकम संकलन भएको वरिष्ठ सल्लाहकार केसीले जानकारी दिए । ‘कास्की समाज कोरियाको सहयोगले बिमलालाई बालबच्चा पढाउन केही भएपनि सहयोग मिलेको छ,’ उनले भने, ‘आगामी दिनमा पनि सहयोगलाई जारी राख्ने समाजबाट जानकारी आएको छ ।’
भविश्वरका साथीसमेत रहेका कोषाध्यक्ष कमलले श्रीमान गुमाएर पीडामा परेकी बिमलाको परिवारलाई सहयोग गर्न पाउँदा खुसी लागेको बताए । कास्की समाज कोरियाले यस अगाडि पनि विभिन्न क्षेत्रमा सहयोग गर्दै आएको छ । कोरियामा रोजगारीका लागि रहेका कास्कीका विभिन्न व्यक्तिहरुको सक्रियतामा सन् २००८ मा गठन भएको समाजले यस अगाडि सहारा क्लब पोखरालाई ७० हजार रूपैयाँ सहयोग गरेको थियो ।
सेती बाढी पीडितलाई दुई पटक गरेर ३ लाख ८५ हजार रूपैयाँ सहयोग गरेको समाजले कोरियामा रहँदा ब्लड क्यान्सरबाट पीडित बनेका कास्कीकै हरि केसीलाई उपचारका लागि १० लाख रूपैयाँ सहयोग संकलन गरेको केसीले जानकारी दिए । कास्की जिल्ला भलिबल संघलाई भलिबल प्याराफिट बनाउन २ लाख रूपैयाँ सहयोग गरेको समाजले कास्कीकै शुक्रराज बलभद्र उच्च माविलाई पनि सहयोग गरिसकेको छ । ‘कास्की समाज कोरियाले धेरै सामाजिक काम गरिरहेको छ,’ वरिष्ठ सल्लाहकार केसीले भने ।
रोजगारीको शिलशिलामा कोरियामा रहँदा ज्यान गुमाएका कास्कीका भविश्वर गुरुङको परिवारलाई कास्की समाज कोरियाले सहयोग गरेको छ । समाजको अगुवाईमा संकलन भएको ३ लाख ६२ हजार ५ सय रूपैयाँ भविश्वरकी धर्मपत्नी विमला गुरुङलाई शुक्रबार हस्तान्तरण गरियो ।
गत असार २७ गते भविश्वरको हृदयघातका कारण कोरियामा निधन भएको थियो । लेखनाथ–१२स्थित गगनगौंडामा घर भएका गुरुङ बिगत ६ वर्षदेखि कोरियामा थिए । श्रीमानको मृत्युपछि घरपरिवारको सहयोग नपाएपछि बिमला ७ वर्षीया छोरी बिन्ती र ११ वर्षीय छोरा विज्ञानलाई लिएर पोखरा–१२ शीतलदेवीमा माइतीको सहारामा बस्दै आएकी छन् ।
छोरा–छोरीको अध्ययनमा केही भएपनि सहयोग पु¥याउने उद्देश्यले बिमलालाई आर्थिक सहयोग गरेको कास्की समाज कोरियाले जनाएको छ । संस्थाका वरिष्ठ सल्लाहकार मदन केसी, सल्लाहकार तीलबहादुर गुरुङ, कोषाध्यक्ष कमल बस्नेत, पूर्व उपाध्यक्ष घमबहादुर गुरुङलगायतको टोलीले उक्त रकम शुक्रबार बिमलालाई हस्तान्तरण गरेका हुन् ।
समाजका अध्यक्ष नवीन गुरुङ, सचिव खुमप्रसाद गुरुङलगायत समाजका पदाधिकारी तथा सदस्यहरुको सक्रियतामा रकम संकलन भएको वरिष्ठ सल्लाहकार केसीले जानकारी दिए । ‘कास्की समाज कोरियाको सहयोगले बिमलालाई बालबच्चा पढाउन केही भएपनि सहयोग मिलेको छ,’ उनले भने, ‘आगामी दिनमा पनि सहयोगलाई जारी राख्ने समाजबाट जानकारी आएको छ ।’
भविश्वरका साथीसमेत रहेका कोषाध्यक्ष कमलले श्रीमान गुमाएर पीडामा परेकी बिमलाको परिवारलाई सहयोग गर्न पाउँदा खुसी लागेको बताए । कास्की समाज कोरियाले यस अगाडि पनि विभिन्न क्षेत्रमा सहयोग गर्दै आएको छ । कोरियामा रोजगारीका लागि रहेका कास्कीका विभिन्न व्यक्तिहरुको सक्रियतामा सन् २००८ मा गठन भएको समाजले यस अगाडि सहारा क्लब पोखरालाई ७० हजार रूपैयाँ सहयोग गरेको थियो ।
सेती बाढी पीडितलाई दुई पटक गरेर ३ लाख ८५ हजार रूपैयाँ सहयोग गरेको समाजले कोरियामा रहँदा ब्लड क्यान्सरबाट पीडित बनेका कास्कीकै हरि केसीलाई उपचारका लागि १० लाख रूपैयाँ सहयोग संकलन गरेको केसीले जानकारी दिए । कास्की जिल्ला भलिबल संघलाई भलिबल प्याराफिट बनाउन २ लाख रूपैयाँ सहयोग गरेको समाजले कास्कीकै शुक्रराज बलभद्र उच्च माविलाई पनि सहयोग गरिसकेको छ । ‘कास्की समाज कोरियाले धेरै सामाजिक काम गरिरहेको छ,’ वरिष्ठ सल्लाहकार केसीले भने ।
No comments:
Post a Comment