देवेन्द्र सम्बाहाम्फे ,कोरिया
दक्षिण कोरियाको सुवन सहरनजिक पर्ने आजु विश्वविद्यालयको अस्पतालमा विदेशीभन्दा कोरियाली बिरामी बढी भेटिन्छन् । १० औं तलाको आईसीयूमा भने नाकमा अक्सिजन लगाएकी र कपाल खौरिएकी एक विदेशी महिला छन् ।
उनी हुन्, दोलखा खोपाचाकुकी डोल्मा शेर्पा, जो करिब एक महिनादेखि सघन उपचारमा छिन् । बोनम्यारो अभाव हुने समस्याबाट पीडित छिन् । अस्पतालको शय्यामा आइपुग्दासम्म धेरै दु:ख पाएकी छन् । सानो छँदा नर्स बनेर बिरामीको उपचार गर्ने सपना बुनेकी थिइन् । तर, त्यो पूरा हुन नपाउँदै सिन्धुपाल्चोकका दोर्जे शेर्पासँग बिहे भयो, १ छोरा र १ छोरी जन्मिए । परिवार पाल्न र छोराछोरी हुर्काउन/पढाउन दोर्जेले मलेसिया र भारतको फेरो मारे । स्वदेशमा हुँदा काठमाडौं बस्थे, ४/५ वर्ष बित्दा पनि सम्पर्कमा आएनन् ।
‘श्रीमान् सम्पर्कविहीन भएपछि वैवाहिक भिसामा कोरिया आउने निर्णय गरें, यसमा गाउँले दिदीहरूले सहयोग गरे,’ उनले भनिन् । कोरिया आएपछि भविष्य उज्वल हुने सोचेकी थिइन्, ठीक उल्टो भोगिन् । कोरियामै घरजम गरेका नेपाली महिलाले डोल्मालाई कोरियाली पुरुष भेट्टाइदिएका थिए ।
उनका कोरियाली पति ट्याक्सी चलाउँथे । भाषा जानी/नजानी एउटा कम्पनीमा काम गर्न थालिन् । दु:खसुख जीवन चलिरहेका बेला पतिको सवारी दुर्घटनामा मृत्यु भयो । नियमअनुसार पतिको बिमा रकम पाउनुपर्ने थियो । परिवारले नक्कली विवाह गरेको भन्दै अदालतमा मुद्दा हाल्यो । उनको भिसा रद्द गराइदिन अध्यागमन विभागमा निवेदन पनि दिए । भाषा नजान्दा सबै निकायमा आफ्ना कुरा राख्न पनि सकिनन् । सोल तुङदेमुनमा व्यवसाय गर्ने लक्ष्मी लामा गुरुङको सहयोगमा भिसा रद्द हुनबाट जोगियो । क्षतिपूर्तिको मुद्दा भने चलिरहेको छ ।
पति बितेको वर्षदिन नहुँदै उनलाई बोनम्यारो अभावको समस्या देखियो । अलिअलि कमाएको पैसाले उपचार गरेपछि फेरि काम थालिन् । काम ३ महिनापछि समस्या बल्झियो । करिब एक महिनादेखि उनी आजु विश्वविद्यालयको अस्पतालमा उपचार गराइरहेकी छन् । चिकित्सकहरूले केमोथेरापी गराएका छन् । बोनम्यारो प्रत्यारोपण गर्न भनेका छन् ।
अस्पतालमा केही सातामै बिल १ करोड वनभन्दा बढी उठेको छ । बोनम्यारो प्रत्यारोपण अझ महँगो हुने चिकित्सकको भनाइ छ । डोल्माको अवस्था थाहा पाएपछि एनआरएन लगायतका केही संस्थाले सहयोग अभियान सञ्चालन गरे पनि पर्याप्त नभएको देखिएको छ । एक सहयोगी आवश्यक भएकाले परिवारको सदस्य बोलाउन अस्पतालले पत्राचार गरेअनुसार नेपाली दूतावासले प्रक्रिया अघि बढाएको छ ।
उनी हुन्, दोलखा खोपाचाकुकी डोल्मा शेर्पा, जो करिब एक महिनादेखि सघन उपचारमा छिन् । बोनम्यारो अभाव हुने समस्याबाट पीडित छिन् । अस्पतालको शय्यामा आइपुग्दासम्म धेरै दु:ख पाएकी छन् । सानो छँदा नर्स बनेर बिरामीको उपचार गर्ने सपना बुनेकी थिइन् । तर, त्यो पूरा हुन नपाउँदै सिन्धुपाल्चोकका दोर्जे शेर्पासँग बिहे भयो, १ छोरा र १ छोरी जन्मिए । परिवार पाल्न र छोराछोरी हुर्काउन/पढाउन दोर्जेले मलेसिया र भारतको फेरो मारे । स्वदेशमा हुँदा काठमाडौं बस्थे, ४/५ वर्ष बित्दा पनि सम्पर्कमा आएनन् ।
‘श्रीमान् सम्पर्कविहीन भएपछि वैवाहिक भिसामा कोरिया आउने निर्णय गरें, यसमा गाउँले दिदीहरूले सहयोग गरे,’ उनले भनिन् । कोरिया आएपछि भविष्य उज्वल हुने सोचेकी थिइन्, ठीक उल्टो भोगिन् । कोरियामै घरजम गरेका नेपाली महिलाले डोल्मालाई कोरियाली पुरुष भेट्टाइदिएका थिए ।
उनका कोरियाली पति ट्याक्सी चलाउँथे । भाषा जानी/नजानी एउटा कम्पनीमा काम गर्न थालिन् । दु:खसुख जीवन चलिरहेका बेला पतिको सवारी दुर्घटनामा मृत्यु भयो । नियमअनुसार पतिको बिमा रकम पाउनुपर्ने थियो । परिवारले नक्कली विवाह गरेको भन्दै अदालतमा मुद्दा हाल्यो । उनको भिसा रद्द गराइदिन अध्यागमन विभागमा निवेदन पनि दिए । भाषा नजान्दा सबै निकायमा आफ्ना कुरा राख्न पनि सकिनन् । सोल तुङदेमुनमा व्यवसाय गर्ने लक्ष्मी लामा गुरुङको सहयोगमा भिसा रद्द हुनबाट जोगियो । क्षतिपूर्तिको मुद्दा भने चलिरहेको छ ।
पति बितेको वर्षदिन नहुँदै उनलाई बोनम्यारो अभावको समस्या देखियो । अलिअलि कमाएको पैसाले उपचार गरेपछि फेरि काम थालिन् । काम ३ महिनापछि समस्या बल्झियो । करिब एक महिनादेखि उनी आजु विश्वविद्यालयको अस्पतालमा उपचार गराइरहेकी छन् । चिकित्सकहरूले केमोथेरापी गराएका छन् । बोनम्यारो प्रत्यारोपण गर्न भनेका छन् ।
अस्पतालमा केही सातामै बिल १ करोड वनभन्दा बढी उठेको छ । बोनम्यारो प्रत्यारोपण अझ महँगो हुने चिकित्सकको भनाइ छ । डोल्माको अवस्था थाहा पाएपछि एनआरएन लगायतका केही संस्थाले सहयोग अभियान सञ्चालन गरे पनि पर्याप्त नभएको देखिएको छ । एक सहयोगी आवश्यक भएकाले परिवारको सदस्य बोलाउन अस्पतालले पत्राचार गरेअनुसार नेपाली दूतावासले प्रक्रिया अघि बढाएको छ ।
No comments:
Post a Comment