तमू चेलीहरुलाई निम्तो

मञ्जु गुरुङ ,दक्षिण कोरिया 
तमू धिँ कोरियाले आउदो आइतबार आयोजना गर्न लागेको चेलिबेटी खुवाउने कार्यक्रम “रिँ च्हमीँ कैँ”मा उपस्थित भइदिन हुन कोरियामा रहेका सम्पूर्ण तमू चेलीहरुलाई आग्रह गरेको छ । तमू संस्कृतीमा  चेलीहरुलाई माइतीले बोलाएर खुवाउने प्रचलन भएकोले त्यसैको अनुसरन स्वरुप यहाँ पनि चेली खुवाउने कार्यक्रम गरिएको अध्यक्ष सुरज गुरुङले जानकारी गराए ।

सउलको यक्सुमा गरिन लागेको “रिँ च्हमीँ कैँ” कार्यक्रमको सम्पूर्ण तयारी पुरा भएको  आयोजकले जनाएको छ । कार्यक्रममा गुरुङको परम्परागत संस्कृती “रिँ च्हमीँ कैँ” बारे जानकारी गराउने र खान पीन गरी नाच गान गर्दै रमाइलो गरिने छ । आयोजक माइतीहरुले चेलीहरुलाई आफ्नो मौलिक पहिरणमा उपस्थित भइदिनु हुन आग्रह गरेको छ । कार्यक्रम तमू धिँले गत वर्ष ल्होसार कार्यक्रम गरेकै हलमा
 गरिने छ । साथै सोही दिन कोरियाको महिलाहरुको संस्था “महिलाका लागि महीला”को अधिवेशन परेकोले कार्यक्रम जुध्न गएकोमा अध्यक्ष सुरज गुरुङले क्षमा यचना सहित कार्यक्रम सफलताको कामना गरेको छ ।

स्थान ः– छुङ्गगु छङ्गसोन्योन सु¥योनग्वान
मिती ः– २०१४ अक्टोबर १९ , आइतबार
समय ः– विहान ११ बजे
सम्पर्क  सुरज गुरुङ  ०१० ८३८२ ४३४३
प्रितम गुरुङ ०१० ८६९५ ७७९८
(लाइन नं. ३ र ६ याक्सु स्टेशन गेट नं. ५)