कोरियामा भएको कार दुर्घटनामा लेबनानी राजदूतको मृत्यु

देवेन्द्र सम्बाहाम्फे ,दक्षिण कोरिया 
दक्षिण   कोरियाका लागि लेबनानी राजदूत जाद  अल  हसनको कार  दुर्घटनामा मृत्यु भएको छ । बिहिबार दिउसो १२.६  बजे राजधानी सोल नामसान  क्षेत्रमा रहेको सुरुङमार्गमा अर्को कारले ठक्कर दिंदा हसनको मृत्यु भएको हो ।

दुर्घटना लगत्तै हसनलाई नजिकैको ईन्जे विश्वबिद्यालयको अस्पतालमा उपचार गर्न लगिए पनि गम्भीर दुर्घटनाका कारण उनको मृत्यु भएको चिकित्सकले घोषणा गरे  । पारम्भिक अनुसन्धानमा राजदूत हसानले मादक पदार्थ सेवन गरेको प्रहरीले अनुमान गरेको छ ।


घटनाबाट अरु दुई कार चालक घाइते भएका छन् । प्रहरीले सीसीटीभी र कारको ब्ल्याक बक्स अध्ययन गरिरहेको छ । लेबनानको उत्तरी गाउ“ काउरामा जन्मिएका ६० वर्षिय हसन गत वर्ष अप्रीलमा राजदूत भएर कोरिया आएका थिए ।