नेपालका लागि कोरियाली राजदूतमा छये नियुक्त

देवेन्द्र सम्बाहाम्फे -सउल,दक्षिण कोरिया - 

नेपालका लागि दक्षिण कोरिया सरकारले छये योङ जीनलाई राजदूत पदमा नियुक्त गरेको छ । राष्ट्रपति पार्क गुन ह्येले कुटनीतिक क्षेत्रबाट छयेलाई गत अप्रील ९ मा नियुक्त गरेका हुन् । कोरिया सरकारले सो दिन जापान,इण्डोनेसिया,डेनमार्क,पेरुसहित २० राष्ट्रमा राजदूत नियुक्त गरेको थियो ।

सन् १९५७ मा सोलमा जन्मिएका छये २०१२ देखि ताइवानमा रहेको कोरियाली मिसनको प्रतिनिधि रहेका थिए । सन् १९८० मा सैनिक विश्वबिद्यालयबाट स्नातक गरेर व्यापार ,उद्यो तथा उर्जा मन्त्रलयबाट निजामती सेवामा प्रवेश गरेका उनि कुटनीतिक सेवामा १९९८ मा आएका हुन् । यस क्षेत्रमा प्रवेश गरेको १६ बर्षपछि पहिलो पटक राजदूत भएका उनी कोरियामा नेपाल प्रेमी र भद्र कुटनीतिज्ञ मानिन्छन ।
यसअघि छये जर्मनीको कन्सुलेट जेनेरल र कतारमा मिनिस्टर कनुसलर भएर काम गरेका थिए  । साथै परराष्ट्र मन्त्रालय अन्तर्गत दक्षिण पूर्वी एसिया विभागका निर्देशक र आथिर्क सहायता विकास ( ओईसीडी) फ्रान्सका लागि स्थायी प्रतिनिधि भएर पनि काम गरेको अनुभव पनि उनीसंग रहेको छ ।
राजदूत नियुक्त भएपछि छयेले यहा“का लागि नेपाली राजदूत कमानसिंह लामासंग भेटेर दुइ देशबीच आपसी हितका बारेमा चर्चा गरेका छन् । भेटका अवसरमा उनले दुई देशबिच उच्चस्तरीय भ्रमण हुनुपर्नेमा जोड दिंदै कोरियाली लगानी नेपाल भित्रयाउन सहयोग गर्ने बताएका थिए । उनले दुइ देशबीच कुटनीतिक सम्बन्ध स्थापना भएको ४० बर्ष पुगेको उपलक्ष्यमा नेपालमा बर्षभरि  बिभिन्न कार्यक्रम आयोजना गरेर मनाउने पनि जानकारी दिए । कार्यभार सम्हाल्न उनि आउदो सोमबार नेपाल पुग्दैछन् ।