किम्हेमा नेपाली राजदुताबासको एमआरपी आबेदन संकलन घुम्ती सेवा सम्पन्न

नमस्ते नेपाल कोरिया सम्वाददाता -
मार्च ३० तारिक आइतबारका दिन  किम्हे माइग्रेन्ट हाउसमा आयोजित  नेपाली राजदुताबास दक्षिण कोरियाको एमआरपी राहदानी आबेदन संकलन  घुम्ती सेवा  सम्पन्न भएको छ l

एन आर एन कोरिया को क्षेत्रीय समिति (बु.उल ख्यंग) को पहलमा भएको   सो घुम्ती सेवामा ४७६  जना नेपालीहरुले एमआरपी राहदानी बनाउने आबेदन बुझाएका नेपाल पत्रकार महासंघ कोरिया शाखाका सदस्य कृष्ण गुरुङले बताए l सो घुम्ती सेवामा झरी परेको समयमा किम्हे तथा सो वरपरका नेपालीहरुको बाक्लो उपस्थिति रहेको थियो l किम्हे वरिपरि रहेका  नेपालीहरुले  राजधानी सउलसम्म जानआउनको लागी समय बढी लाग्ने र खर्चिलो हुने भएको हुदा बिगत लामो समय देखि घुम्ती सेवा प्रदान गर्न नेपाली राजदुताबास समक्ष अनुरोध गर्दै आएको थिए | नेपाली राजदुताबासले किम्हेबासी नेपालीहरुको आग्रहलाइ मध्यनजर गर्दै  केहि महिना अगाडी पनि किम्हेमा  एम आर पी बनाउनको लागी घुम्ती सेवा दिएको थियो | निकट भविष्यमा  जिन्जु  ,ख्वाङजु  तथा मोक्पो एरियामा पनि घुम्ती सेवामार्फत  एमआरपी राहदानी आबेदन संकलन गर्ने नेपाली राजदुताबासका उपनियोग राजाराम बर्तौलाले नमस्ते नेपाल कोरिया डटलाइ बताए l सो घुम्ती सेवामा नेपाली राजदुताबासका उपनियोग राजाराम बर्तौला, एनआरएन कोरियाका अध्यक्ष बिनोद कुँवर , किम्हे माइग्रेंट मिसन चर्चका पास्चर यज्ञ राज सुवेदीको पनि उपस्थिति रहेको थियो l