कोरियामा तमूहरुको साझा भवन सहयोगार्थ चलचित्र" छ एकान छ" प्रर्दशन गरिने

मञ्जु गुरुङ ,दक्षिण कोरिया -
ख्याति प्राप्त हाँस्य कलाकारहरुद्वारा अभिनित सफल हाँस्यात्मक नेपाली कथानक चलचित्र ६ एकान ६ कोरियामा बस्ने नेपालीहरुको लागि पनि हेर्ने मौका जुटेको छ । अप्रिल ६ तरिख आइतबार सउलको दोङदेमून स्थित डुसान टावर पछाडीको जुङगु कुकमिन ह्वेग्वानमा भव्य प्रर्दशन हुने भएको छ । काठमाण्डौमा निमार्णधिन रहेको गुरुङ समुदायको साँडे पाँच तल्ले साझा भवनको सहयोगार्थ तमूधिँ कोरियाले सो चलचित्र प्रर्दशन गर्न लागेको हो ।

सम्पूर्ण गुरुुङहरुको राष्ट्रिय स्तरको साझा संस्था तमू ह्यूल छोज धिँ (गुरुङ राष्ट्रिय परिषद )ले कापनपा वाड नम्बर २९ नयाँ बसपार्क नजिकै मित्रनगरमा सो भवन निमार्ण गरिरहेको छ । भवनमा परिषदको मुख्य कार्यलय लगायत विभिन्न तमू भातृ संगठनहरुको कार्यलय रहनेछन भने सभाहल तथा तमूसंग सम्बन्धीत विभिन्न सामग्रीको संग्रह पनि गरिने भएकाले यस भवनललाई तमू संग्रहालय नामकरण गरिएको छ । करिब १ रोपनी क्षेत्रफलमा वि.सं. २०५९ सालबाट भवनको निमार्ण कार्य थालिएको हो । प्राविधिक इस्टिमेट अनुसार भवनको लागत २ करोड ५० लाख रहेको जनाएको छ । जसमा १ करोड ६० लाखको निमार्ण कार्य सम्पन्न भइसकेको छ भने अब निमार्ण कार्य सम्पन्न गर्न ९० लाख आवश्यक परेको परिषदले जनाएको छ । त्यसैले थप आर्थिक सहयोग गर्न परिषदबाट अनुरोध पत्र प्राप्त भएकोले तमूधिँ कोरियाले चलचित्र छ एकान छ प्रर्दशन गर्न लागेको अध्यक्ष सुरज गुरुङले बताउनु भयो ।
दिनेश डिसीद्वारा निर्देशित यस चलाचित्रमा दिपकराजज गिरी, शिवहरी पौडेल, जितु नेपाल, सिताराम कट्टेल, केदार घिमिरे, शैलेश आचार्यलगायत चर्चित हाँस्य कलाकारको अभिनय रहेको छ । स्वादेश मात्र हैन विदेशमा समेत अत्यधिक रुचाइएको यस सफल चलचित्र हेरी कडा परिश्रमबाट थाकेको तन र मनमा स्पूmर्ती ल्याउन कोरियामा रहेका सम्पूर्ण नेपालीहरुलाई आयोजकले अग्रह गरेको छ । साथै सोही अवसरमा एभरेष्ट बैंकको खाता पनि खोल्न पाइने भएकाले इच्छुकहरुले आइडि र पासपोर्ट साइजको फोटो साथै लिएर आउन पनि अनुरोध गरिएको छ ।