कोरियामा म्याग्दी रनिङ कपको खेल ताईशीट तयार, १४ टीमको सहभागिता

भरत तुलाचन - सउल, कोरिया -
म्याग्दी समाज समिति दक्षिण कोरियाले आगामी हप्ता अर्थात जुन ८ तारिख आईतबारको दिन आयोजना गर्न गई रहेको प्रतिष्प्रर्धात्मक भलिबल खेल म्याग्दी रनिङ कप २०१४ को खेल टाईशीट तयार भएको छ ।

राजधानी सउलको तोङदेमुन स्थित नमस्ते रेष्टुरेण्टमा आयोजित टाईशीट तयार कार्यक्रममा सहभागि सबै संस्थाका प्रतिनिधिहरुको उपस्थिति रहेको थियो । कूल १४ टीमले सहभागिता जनाएको यस आयोजनालाई छिटो छरितो सम्पन्न गराउन उपस्थित प्रतिनिधिहरुको सामूहिक सहमतिबाट खेल शुरु बिहान ठीक दश बजे गरिने भएको छ । पहिलो खेल खेल्नु पर्ने टीमहरु एम्पाएरको पहिलो संकेत पश्चात अर्थात एम्पाएरको गेम स्टार्ट पोजिसनको पहिलो संकेत पश्चातको १५ मिनेट भित्र अनुपस्थित रहे अनुपस्थित दुबै टीम नकाउट हुनेछन । तर ग्राउण्डमा १ टीमको उपस्थित रहे ग्राउण्डमा उपस्थित टीमको स्वतः बिजयी र अनुपस्थित टीम स्वतः नकाउट गरिने निर्णय गरिएको छ । पहिलो टीमहरु नकाउट भएमा  नकाउट पश्चातको ठीक १०ः४५ मा आयोजनाको दोश्रो खेल संचालन गरिने छ । सोहि निर्णय दोश्रो,तेश्रो गरि प्रायःसबै खेलमा लागू हुने छ । गोला प्रथा मार्फत तयार गरिएको टाईशिट नतिजा अनुसार आयोजनाको पहिलो खेल तनहुं प्रवासी उद्दार समाज र आन्सान बीच तथा दोश्रो खेल एस एम टी र युनिट भिजन बिच प्रतिष्प्रर्धा हुने छ । ताईशीट नतिजा अनुसार पर्वत प्रवासी समाज र गुल्मी सम्पर्क समिति बाईमा पर्दै सिधै दोश्रो चरणमा प्रवेश  गरेका छन ।