सुशील कोइराला प्रधानमन्त्रीमा निर्वाचित

व्यवस्थापिका संसदमा नेपाली कांग्रेसका सभापति तथा संसदीय दलका नेता सुशील कोइराला प्रधानमन्त्रीमा निर्वाचित भएका छन् ।

सोमबार भएको निर्वाचनमा कोइराला अत्याधि मत प्राप्त गरि बहुमतीय प्रक्रियाबाट प्रधानमन्त्री निर्वाचित भएका हुन् । बिहीबार ब्यवस्थापिका संसदमा भएको निर्वाचनबाट कोइराला  ४०५ मत प्राप्त गरेका छन् । त्यसपछि सभामुख सूर्यबहादुर थापाले कोइराला प्रधानमन्त्रीमा निर्वाचित भएको घोषणा गरेका थिए । उनी मुलुकका ३७औं प्रधानमन्त्री हुन ।

नेकपा एमाले सहित १० दलको समर्थनमा कोइराला प्रधानमन्त्री भएका हुन् । कोइरालाको विपक्ष १ सय ४८मत खसेको छ ।  एकीकृत माओवादी, राप्रपा नेपाल सहित १३ दलले कोइरालाको विपक्षमा मतदान गरेका थिए ।

संसद बैठकमा संविधानसभाबाट निर्वाचित ३० दलका ५ सय ५३  सभासदको उपस्थिति थियो । ५० बर्षदेखि राजनीतिमा सक्रिय भएर पनि कुनै लाभको पद नलिएका कोइराला कोइराला परिवारबाट चौथो प्रधानमन्त्री बनेका छन् ।  कृष्णप्रसाद भट्टराईपछि दोस्रो अविवाहित प्रधानमन्त्री पनि भएका छन् ।