भक्तपुर समाज कोरियाले भक्तपुरका २५०० बिद्यार्थीहरुलाइ शैक्षिक सामग्री वितरण गर्ने

सीता खावाजु,२८  जुन  २०१५  
भक्तपुर समाज दक्षिण कोरियाले  भुकम्प संकटग्रस्त भक्तपुर जिल्लाका २५०० बिद्यार्थीहरुलाइ शैक्षिक सामग्री वितरण गर्ने भएका छन l  आउदो हप्ता देखि  भक्तपुर जिल्लाका  ६ नगरपालिकाका विभिन्न क्षेत्रका विद्यालयहरुका बालबालिकाहरुलाइ  कापी ,सिसा कलम लगायत अन्य सामग्री दिने यस वितरण कार्यक्रमका संयोजक तथा भक्तपुर समाज दक्षिण कोरियाका सल्लाहकार  रमेश खावाजुले बताए l भक्तपुर समाज कोरियाका पुर्व अध्यक्ष खावाजुले  वितरण कार्यलाइ सरल र सहज बनाउन भक्तपुर जिल्लामा  मुख्य कमिटि तथा क्षेत्रीय कमिटिहरुको पनि निर्माण गरि सकेको बताए l

 भक्तपुर समाज कोरियाले हालै नेपालमा आएको महाभुकम्पका पिडितहरुलाइ सहयोग गर्न ८३ थान पाल संकलन गरि एन आर एन कोरियालाइ हस्तान्तरण गरेका थिए l त्यसै गरि  भुकम्प संकटग्रस्त आफ्नो जन्मथलो भक्तपुर जिल्लामा सहयोग गर्नको लागि करिब १ महिना अघि देखि  दक्षिण कोरियामा भक्तपुर समाजका अध्यक्ष रमेश गिरि [ रिवाज ] संयोजकत्वमा संकलन गरेको रकन रु १ लाख ५० हजार भक्तपुरका बिद्यार्थीहरुलाइ शैक्षिक सामग्री वितरण गर्ने नेपालमा पठाई सकेका छन l  अध्यक्ष रमेश गिरीले भुकम्प संकटग्रस्त भक्तपुर जिल्लामा गर्न लागेको  शैक्षिक सामग्री वितरण कार्यक्रम सफल बनाउन सहयोग गरिदिनु हुन् सम्पूर्ण साथीहरुमा अनुरोध गर्नु भएको छ l

नेपालबाट विभिन्न कार्यको शिलशिलामा दक्षिण कोरिया प्रवेश गरेका भक्तपुर जिल्लाका साथीहरुलाइ एक सुत्रमा बाँधी भैपरी आउने समस्याहरुलाइ निराकरण गर्ने , आफ्नो जिल्लामा पर्यटकहरुको बृदि गराउन ऐतिहासिक ,धार्मिक स्थलहरुको प्रचार प्रसार ,तथा शिक्षा ,स्वास्थ्यमा केहि सहयोग गर्ने उदेश्यले २०१३ मा  भक्तपुर समाज ,दक्षिण कोरियाको स्थापना गरिएको हो l भक्तपुर् समाजले  कोरियामा  दशैं ,बिस्केटजात्रा जस्ता सास्कृतिक कार्यक्रम गरि सकेका छन l  त्यसै गरि भक्तपुरमा आर्थिक अभाबले उपचार गर्न कठिनाइ भोगिरहेका तिम्ल्याहा शिशुहरुको उपचारको लागि कोरियाबाट रु १ लाख ३८ हजार संकलन गरेर सहयोग गरेका थिए l l