एन सी सी कोरिया द्वारा ताप्लेजुङ र सप्तरीको अग्नि पिडितहरुका लागी राहत संकलन गर्न अपिल

फोटो श्रोत -अनलाईन

        नमस्ते नेपाल कोरिया सम्बाददाता 

                  ( दक्षिण कोरिया )
                ०१ , अप्रिल   २०१५ ।

     दक्षिण कोरियामा  एन सी सी (नेपाली सम्पर्क समिति कोरिया) को  पहलमा अग्नि पिडितका लागि राहत संकलन गरिने भएको छ। सप्तरी र ताप्लेजुङमा भएको आगालागीका पिडितहरुलाई सहयोग पुर्याउन  समितीले कोरियामा तिब्र रुपमा राहत संकलन गर्ने भएका छन् । 

उक्त समितिले एक सुचना जारी गरी कोरियामा  रहेका नेपाली संघ संस्था तथा नेपाली समुदायमा राहत संकलन अभियान संचालन गर्नुहुन र सहयोगका  लागि अपिल गरेका छन् ।

एन सी सी (नेपाली सम्पर्क समिति कोरिया)- द्वारा सबै संघ सस्था हरुलाई ताप्लेजुङ र सप्तरीको अग्नि पिडित हरुलाई राहत संकलन गर्न अपिल !

                                          आदरणीय कोरियावासी नेपाली दाजुभाई  तथा दिदीबहिनीहरु,

                                                                           नमस्कार !

 

यस्तो हुन्छ भनेर कसलाई पो थाहा हुन्छ र आज यस्तै भएको छ ताप्लेजुङ, मा चैत्र १० गते ताप्लेजुङ को सदरमुकाम फुङलिङकमा आगलागीबाट घरबाहेक ३० करोड रुपैयाँभन्दा बढीको धनमाल क्षति भएको थियो भने ४४ घरमा पूर्ण रुपमा क्ष्यति भएको थियो l   होटल, पसल तथा डेरा गरी बस्ने १ सय १८ परिवार विस्थापित भएका थिए  भने आगलागीले ४ सय ६५ जनालाई बासबिहीन बनाएको थियो l 

 सप्तरीको कञ्चनपुर नगरपालिका पडेमारामा भीषण आगलागी भएको थियो l आगोले सिंगो गाउँ नै खरानी बनाएको थियो।आगलागीमा परेर ६२ वर्षीय चलितर सरदारको मृत्यु भएको थियो । आगलागीबाट स्थानीय ३३ परिवारको ७५ वटा घर जलेर नष्ट भएको थियो । आगो नियन्त्रण गर्न थप २८ वटा घर भत्काइएको थियो । यी दुवै ठाउमा  हेर्दा हेर्दै सबै जसो आगोले खाएको थियो । आज विस्तापित परिवार राहतको पर्खाइमा छटपटाइरहेका छन् l लगाउने एकसरो लुगा बाहेक पासमा केहि छैन,साना साना नानिबाबुहरु भात भन्दै कराई रहेका छन् । स्कुल जाने बच्चा हरुको किताब कापी सबै खरानी भएको छ|

बुढा पाकाहरु भगवान  पुकार्दै बसेका छन् | एकै क्षणमा  खरानी भयो त्यो ताप्लेजुङ को फुङलिङक र सप्तरी को पडेमारामा|त्यो दयनिय अवस्था देख्दा हामी नेपाली मन किन नपग्लिनु  र.....  l

हामी कोरियामा रहेका नेपालीहरुले जस्तो अवस्थामा  रहेतापनि सहयोग जुट्ने हातहरु आज यो ताप्लेजुंग र सम्प्तरी को भयानक अग्नि पिडित प्रति  सहयोगका हातहरु बढाई पुण्य कमाउन नेपाली सम्पर्क समिति दक्षिण कोरिया हार्दिक  अपिल गर्दछ l 

यति ठुलो प्रकोपमा सबै नेपाली एकजुट भएर राहत संकलन गर्न र यस्ता भैपरि आउने  दुखद  आपत बिपत हरुमा सहयोग गर्न कोरियामा भएका सबै संग सस्था,राजनीति सस्था,जातीय सस्था,बुद्दिजिबी,विद्यार्थी,मजदुर ,ब्यापारी समेतलाई नेपाली सम्पर्क समिति कोरिया द्वारा अपिल गरिन्छ l 

खाता नंबरः( 1002844501301)

बैंकको नामः Woori bank,

खाता वाहकको नामः pun balaram [पुन बलराम ]
010-59502626(०१० -५९ ५० २६ २६ )

राहत संकलन संयोजक:- नेपाली सम्पर्क समिति, दक्षिण कोरिया