कोरियाली श्रम प्रणाली परिवर्तन गर्न आवश्यक : कोरिया विकास संस्थान

 कृष्ण पुरी ,नमस्ते नेपाल कोरिया संवाददाता 
कोरिया विकास संस्थान (KDI)  ले भर्खरै सम्पन्न गरेको रिसर्च प्रतिबेदन अनुसार कोरियाको श्रम ज्याला प्रणाली र काम गर्ने समय  घण्टाको मामलामा "कोरिया श्रम संरचना" धेरै  लचकता हुनुपर्ने  ठहर गरेको  छ।

एकातिर बेरोजगारी  र अर्कोतिर  कोरियामा काम अत्याधिक  चाप हुँदै गइरहेका कारण  गम्भीर सामाजिक मुद्दा बढ्नुका साथै  कठिनाई हुनु , कम्पनीहरु आ- आफ्नो पुरानो जमानाको श्रम प्रणालीमा  अडिग रहनु , कार्य अवधि लामो हुनु ,वरिष्ठतामा  आधारित ज्याला सिस्टम हुनु ,  सार्बजनिक बिदामा पनि काम गर्न बाध्य पारिनु , आरामको समय कम हुनु आदि बुदाहरुमा  जोड दिइएको थियो l
गत बर्षको तथ्यांकअनुसार अनुसार कोरियाको  कार्य अवधि  औसतमा २,०७१ घण्टा थियो जुन ओ.ई.सी.डी. राष्ट्रको औसत घण्टा भन्दा ४०० घण्टा बढी हो  भने अझै कोरिया  काम उत्पादकत्वमा ३४  सदस्य राष्ट्रहरूबीचमा २४ औ  स्थानमा छ ।

अत लामो समयसम्म काम घण्टा हुनाले बिशेषगरि महिला र युवा कर्मचारीहरुमाथि  प्रवेशमा  बाधा पुर्याउँछ। शुरुवातको लागि सरकार, सान्दर्भिक व्यवस्था प्रस्ताव र सार्वजनिक क्षेत्र श्रम प्रणालीमा संरचनात्मक परिवर्तन हुनुपर्छ l
"सरकारले पहिला  सार्वजनिक क्षेत्रमा लचिलो काम प्रणाली अपनाएर अभ्यास अनुरुप  निजी कम्पनीहरु संग पनि   साझेदारी गर्नुपर्छ।" प्रतिबेदनमा समेटिएको छ l