नायक रेश मरहठ्ठा र मोडल आयुषा राई नयां म्युजिक भिडियोमा संगै ( भिडियो सहित )

सरोज रावल
बिर्खेलाई चिन्छस् नामक चलचित्रबाट डेब्यु गरेकी मोडल तथा नव नायिका आयुषा राई र नायक रेश मरहठ्ठा नयां म्युजिक भिडियोमा संगै देखिएका छन् ।

मुस्कान श्रेष्ठको नयां गीत ‘बिर्सन सक्दिन’ को भिडियोमा नायक रेश मरहठ्ठा र आयुषाको अभिनयले अहिले विभिन्न संचार माध्यम तथा सामाजिक संजाल युट्युबमा पनि चर्चा कमाइरहेको छ । भिडियोमा आयुषाले नायक रेश मरहठ्ठा को वियोगमा बाँच्नुपरेको देखाइएको छ । नेपाली चलचित्र क्षेत्रका स्टार, रेश मरहठ्ठा संग अभिनय गर्न पाउंदा आफुलाई नौलो महशुस भएको आयुषको अनुभव छ । रमेश परियारका शब्द तथा संगीत रहेको यस गीतको भिडियोलाई जिवन थापाले निर्देशन गरेका छन् भने भिडियो मल्टीमेटले तयार पारेको हो ।