गणेश लिम्बू ,काठमाडौं,,
कोरिया सरकारले रोजगार अनुमति प्रणाली (ईपीएस)अन्तर्गत कोरियन भाषा परीक्षाका लागि आवेदन फारम भरेकामध्ये आठ हजारको हाराहारीमा मात्र कोरिया जान पाउने भएका छन् ।
गत साउन महिनामा कोरियन भाषा परीक्षाको लागि ६२ हजार पाँच सय १४ जनाले आवेदन फारम बुझाएको ईपीएस शाखाले जनाएको छ । आकर्षक तलब तथा अन्य सेवा सुविधाका कारण कोरिया जान चाहने संख्या वर्षेनी बढ्दै गएको आवेदन फारम भर्ने संख्याले देखाउँछ । गत वर्ष (सन् २०१३) ४४ हजार एक सय ३७ जनाले मात्र आवेदन फारम ईपीएस शाखामा बुझाएका थिए । कोरियन भाषा परीक्षाको नतिजा आएपछि मात्र कोरिया लाने संख्या थाहा हुने ईपीएस शाखाले बताए पनि आठ हजारको संख्यामा नेपाली कामदारको माग रहेको स्रोतको भनाइ छ । गत साल १७ वटा कलेजमा कोरिया भाषाको परीक्षा भएको थियो । सरकारले निजी तथा आवासीय विद्यालय अर्गनाइजेसन (प्याब्सन)सँग सल्लाह गरेर आगामी असोज १० र ११ गते हुने भाषा परीक्षाको लागि दुई÷चारवटा कलेजको संख्या बढाउने तयारी गरेको ईपीएस कोरिया शाखाका निर्देशक डिल्लीराम बाँस्तोलाले बताए । गत सालभन्दा १८ हजार तीन सय ७७ जना बढीले आवेदन फारम भरेको कारणले यो वर्ष परीक्षाको केन्द्र बढ्ने उनको भनाइ छ ।
शाखाका निर्देशक बाँस्तोलाको अनुसार यो वर्ष भाषा परीक्षामा भएको उत्तीर्ण संख्या नै कोरिया सरकारको कामदारको माग संख्या हुने उनको भनाइ छ । परीक्षामा राम्रो अङ्क ल्याउनेहरुको रोलक्रमानुसार आवश्यक माग संख्या उत्तीर्ण गर्ने उनले बताए । आगामी असोज ११ र १२ गते चार ‘शिफ्ट’ गरेर कोरियन भाषा परीक्षा काठमाडौंका कलेजहरुमा गर्ने ईपीएस शाखाले जानकारी दिएको छ । परीक्षा बिहान ८ बजे सुरु हुने शाखाले जनाएको छ । परीक्षाको समय ७० मिनेटको हुने समेत जनाएको छ । परीक्षार्थीहरुले अनिवार्य रुपमा परीक्षा दिन आउँदा प्रवेशपत्र ल्याउनुपर्नेछ । आवेदन फारम भर्दा नागरिकता वा पासपोर्टको आधारमा भरिएको थियो । फारम भर्दा जे प्रयोग गरिएको थियो परीक्षा दिँदा पनि त्यसको सक्कलप्रति समेत साथमा ल्याउनुपर्ने निर्देशक बाँस्तोलाले जानकारी दिए । कसैले आफ्नो मान्छेको परीक्षा दिन खोजे वा अनधिकृत व्यक्ति प्रवेश गर्न खोजे छानबिन गरी मतियार समेतलाई कारबाही गरिने शाखाका निर्देशक बाँस्तोलाले बताए । बदमासी गर्न प्रयास गर्न खोज्ने परीक्षार्थीहरुलाई तत्काल पक्राउ गरी छुट्टै कोठामा थुन्ने व्यवस्था गरेको समेत उनले जानकारी दिए । परीक्षालाई स्वच्छ र मर्यादित बनाउन ईपीएस शाखा कडा रुपमा प्रस्तुत हुने शाखाले जनाएको छ । परीक्षार्थीहरुको आफ्नै मिहिनेत र लगनशीलताले मात्र परीक्षामा उत्तीर्ण हुने भएकोले भाषा सिकाउने संस्थाहरुको भ्रमपूर्ण आश्वासनमा विश्वास नगर्न समेत शाखाले सम्बन्धित सबैलाई सचेत गराएको छ । ग्यारेन्टी भाषा परीक्षा पास गराउने भन्दै झूठो आश्वासन दिने सेन्टरहरुको जानकारी गराएमा तत्काल कारबाही प्रक्रिया अघि बढाउने निर्देशक बाँस्तोलाले बताए ।
कोरिया सरकारले रोजगार अनुमति प्रणाली (ईपीएस)अन्तर्गत कोरियन भाषा परीक्षाका लागि आवेदन फारम भरेकामध्ये आठ हजारको हाराहारीमा मात्र कोरिया जान पाउने भएका छन् ।
गत साउन महिनामा कोरियन भाषा परीक्षाको लागि ६२ हजार पाँच सय १४ जनाले आवेदन फारम बुझाएको ईपीएस शाखाले जनाएको छ । आकर्षक तलब तथा अन्य सेवा सुविधाका कारण कोरिया जान चाहने संख्या वर्षेनी बढ्दै गएको आवेदन फारम भर्ने संख्याले देखाउँछ । गत वर्ष (सन् २०१३) ४४ हजार एक सय ३७ जनाले मात्र आवेदन फारम ईपीएस शाखामा बुझाएका थिए । कोरियन भाषा परीक्षाको नतिजा आएपछि मात्र कोरिया लाने संख्या थाहा हुने ईपीएस शाखाले बताए पनि आठ हजारको संख्यामा नेपाली कामदारको माग रहेको स्रोतको भनाइ छ । गत साल १७ वटा कलेजमा कोरिया भाषाको परीक्षा भएको थियो । सरकारले निजी तथा आवासीय विद्यालय अर्गनाइजेसन (प्याब्सन)सँग सल्लाह गरेर आगामी असोज १० र ११ गते हुने भाषा परीक्षाको लागि दुई÷चारवटा कलेजको संख्या बढाउने तयारी गरेको ईपीएस कोरिया शाखाका निर्देशक डिल्लीराम बाँस्तोलाले बताए । गत सालभन्दा १८ हजार तीन सय ७७ जना बढीले आवेदन फारम भरेको कारणले यो वर्ष परीक्षाको केन्द्र बढ्ने उनको भनाइ छ ।
शाखाका निर्देशक बाँस्तोलाको अनुसार यो वर्ष भाषा परीक्षामा भएको उत्तीर्ण संख्या नै कोरिया सरकारको कामदारको माग संख्या हुने उनको भनाइ छ । परीक्षामा राम्रो अङ्क ल्याउनेहरुको रोलक्रमानुसार आवश्यक माग संख्या उत्तीर्ण गर्ने उनले बताए । आगामी असोज ११ र १२ गते चार ‘शिफ्ट’ गरेर कोरियन भाषा परीक्षा काठमाडौंका कलेजहरुमा गर्ने ईपीएस शाखाले जानकारी दिएको छ । परीक्षा बिहान ८ बजे सुरु हुने शाखाले जनाएको छ । परीक्षाको समय ७० मिनेटको हुने समेत जनाएको छ । परीक्षार्थीहरुले अनिवार्य रुपमा परीक्षा दिन आउँदा प्रवेशपत्र ल्याउनुपर्नेछ । आवेदन फारम भर्दा नागरिकता वा पासपोर्टको आधारमा भरिएको थियो । फारम भर्दा जे प्रयोग गरिएको थियो परीक्षा दिँदा पनि त्यसको सक्कलप्रति समेत साथमा ल्याउनुपर्ने निर्देशक बाँस्तोलाले जानकारी दिए । कसैले आफ्नो मान्छेको परीक्षा दिन खोजे वा अनधिकृत व्यक्ति प्रवेश गर्न खोजे छानबिन गरी मतियार समेतलाई कारबाही गरिने शाखाका निर्देशक बाँस्तोलाले बताए । बदमासी गर्न प्रयास गर्न खोज्ने परीक्षार्थीहरुलाई तत्काल पक्राउ गरी छुट्टै कोठामा थुन्ने व्यवस्था गरेको समेत उनले जानकारी दिए । परीक्षालाई स्वच्छ र मर्यादित बनाउन ईपीएस शाखा कडा रुपमा प्रस्तुत हुने शाखाले जनाएको छ । परीक्षार्थीहरुको आफ्नै मिहिनेत र लगनशीलताले मात्र परीक्षामा उत्तीर्ण हुने भएकोले भाषा सिकाउने संस्थाहरुको भ्रमपूर्ण आश्वासनमा विश्वास नगर्न समेत शाखाले सम्बन्धित सबैलाई सचेत गराएको छ । ग्यारेन्टी भाषा परीक्षा पास गराउने भन्दै झूठो आश्वासन दिने सेन्टरहरुको जानकारी गराएमा तत्काल कारबाही प्रक्रिया अघि बढाउने निर्देशक बाँस्तोलाले बताए ।
No comments:
Post a Comment