कोरियामा नेपाली लोक बाजाको जगेर्ना गर्दै लक्ष्मी प्रसाद

निश्चल काउचा - सउल ,दक्षिण कोरिया -

कास्की भालममा जन्मेर लेखनाथ दुङ्गेपाटन -१२ मा स्थायी बसोबास गर्दै आउनु भएका लक्ष्मी प्रसाद भण्डारीले रोजगारीको शिलशिलामा दक्षिण कोरिया आउँदा नै नेपालबाट नेपाली लोक बाजाहरू मादल, बासुरी , सहनाई र जुर्मा बोकेर आएको र नेपाली राष्ट्रिय पोशाक दौरा सुरुवाल लगाएर लोक बाजाका धुनहरू सुनाउन पाउदा अत्यन्त गर्व लाग्ने गरेको बताउछन । बिदेशमा आएर पनि नेपाली मौलिख सस्कृति जगेर्ना गर्न पाउनु र बिदेशी माझमा नेपाली सस्कृति चिनाउन पाउनु आफ्नो अहोभाग्य ठान्ने गरेको सुनाउछन ।

नेपाली सँघ-सँस्थाहरूले कार्यक्रमको निम्तो दिने गरे पनि प्राय महिना भरि नै कम्पनीमा काम हुने गरेकोले जान नपाउने गरेको देखेसो पोख्छन । फुर्सद हुन् साथ उनले लोक बाजा मात्र बजाउदैनन । कविता , गीत पनि कोर्छन र मिठो स्वरमा गीत पनि आउछन् । उनले सिवल टावरमा कोरियन कार्यक्रममा आफ्नो प्रस्तुति पनि दिई सकेका छन् ।

साथीहरू मिलेसम्म कोरियामा पन्जे बाजा बजाउने धोको रहेको पनि सुनाए । ब्यस्त समयको बाबजुत पनि बचेँको समयमा नेपाली मौलिख सस्कृति जगेर्ना गर्न सजिलो नभएको र यस तर्फ कोरियामा रहेका सँघ-सँस्थाहरू पनि लाग्नु पर्ने बताए ।