नमस्ते नेपाल कोरिया
०३, बैसाख २०७२
रोजगार अनुमति प्रणाली (ईपीएस) मार्फत कोरिया जान लिइने कोरियन भाषा परीक्षाको आवेदन अाज बिहीबारबाट खुलेको छ ।
फारम काठमाडौं उपत्यकाभित्र नेपाल वेद विद्याश्रम संस्कृतमावि वनकाली, गौशाला, काठमाडौं भ्याली उच्चमावि महाराजगन्ज, ल्याबरोटरी उच्चमावि कीर्तिपुर, महेन्द्र आदर्श विद्याश्रम सातदोवाटो तथा च्यासल फुटबल खेल मैदान बालकुमारीमा फारम भरिने भएको छ ।
उपत्यका बाहिर भने धरान नगरपालिका वडा नम्बर ८ स्थित धरान सभागृहमा, जनकपुरको जनपुर चुरोट कारखाना लिमिटेडको कभर्ड हलमा, बुटवलको नेपाल प्रहरी तालिम केन्द्रको पूर्वतर्फ रहेको प्रदर्शनी मण्डपमा, पोखराको वडा नम्बर १६ बाटुलेचौरस्थित विन्ध्यवासिनी उच्च माविमा तथा डडेल्धुराको अमरगढी नगरपालिका स्थित कर्मचारी मिलन केन्द्रमा फारम भरिने छ ।
आगामी जेठ ३० शनिबार र ३१ आइतबार गते सञ्चालन हुने परीक्षाका लागि वैशाख ६ गते आइतबार साँझ पाँच बजेसम्म अन्तिम फारम भर्ने समय तोकेको छ ।
No comments:
Post a Comment