देवकोटा जयन्तीमा कोरियामा गजल प्रतियोगिता हुने

 निश्चल काउचा ,दक्षिण  कोरिया 

नेपाली साहित्य समाज द.कोरिया (नेसास)ले महाकवि लक्ष्मीप्रसाद देवकोटा जयन्तिको अबसर पारेर गजल प्रतियोगिता गर्ने भएको छ ।

 कोरियामा रहेका सम्पूर्ण स्रष्टाहरूलाई एउटै मालामा गाँस्ने ध्ययले सो कार्यक्रम गर्न लागिएको संस्थाकी सल्लाहकार प्रगति राईले जनाएकी छिन् ।  सो प्रतियोगिताका लागि कोरियामा रहनुभएका सबै स्रष्टाहरूले  आफ्नो दुई-दुईवटा गजल पठाउनु हुन संस्थाले अनुरोध गरेको छ । बाहिर देशबाट आएका अतिथि गजलहरू पनि त्यो अवसरमा  वाचन हुने जनाइएको छ । तर प्रतियोगितामा भने सामेल गराइने छैन । प्रतियोगिले कार्यक्रममा उपस्थित भई आफ्ना गजल वाचन गर्नु पर्ने बताइएको छ । अन्यथा प्रतियोगितामा सामेल गराइएने छैन । चुसकको अवसरमा साँस्कृतिक कार्यक्रमहरू धेरै भएकाले यो वर्षको चुसकमा गरिने साहित्यक कार्यक्रमलाई महाकवि लक्ष्मीप्रसाद देवकोटा जयन्तिमा सारेको बाताइएको छ ।

 सन् २०१२ सेप्टेमवर २३ तारिकका दिन स्थापना गरिएको नेपाली साहित्यसमाजले कोरियामा रहेका स्र्ष्टाहरूको एकता र भावना विस्तार गर्ने चौतारीको काम गर्दै आइरहेको छ । विश्वको सबै भन्दा धेरै काम गर्ने देश कोरियामा कार्यरत साहित्य प्रेमी, साहित्यकार सबैको उत्साहित सकृयताले 'मानिसभित्रको चेतना र कला कामको बोझले रोकिदैन' भन्ने शन्देश यो भन्दा अगाडिका कार्यक्रमहरूले देखाइ सकेको छ ।

अन्तत: नजिकिदै गरेको कोरियन चाड चुसक (२०१४)को पावन अवशरमा सम्पूर्ण कोरियावासी साहित्यकार, साहित्यप्रेमी तथा नेपाली दाजुभाइ-दिदिबहिनीहरूमा सुख-सम्वृद्दिको कामना तथा 'पैसालाई साधन बनाऔं; पैसाले हामीलाई साधन नबनाओस्' भन्ने कामना नेसासले व्यक्त गर्दछ ।

गजल पठाउने ई-मेल ठेगाना:- gajalpratiyogita@gmail.com

थप जानकारी लागि -

प्रबिण राई - ०१०६८७३९४२२

निश्चल काउचा - ०१०२९४५४४१७

 (नेसास) द.कोरिया