मेरै पाखाको एक सर्को सिरेटो l

-कबिता-

-मञ्जु रेग्मी -

मेरै पाखाको एक सर्को  सिरेटो
 मेरै  कौसीको  एक हरक न्यानो
 बगैचाको   बासना
 पँधेराका  एक हुल दौतरी
स्कुले जादैगरेको  बाटो
गोठाला   फर्किरहेको गोधुली
चौतारीको सजिलो आड
घुम्ती  र गोरेटोको  भेटाइ ,छुटाई
 सायद
 सायद ति सबै कोसेली लिएर आएको छ आज जुन

 आमाको काख, बाबाको हातसमाएर  हेरेको यो जुन
दाइ  दिदि  सबैको साथमा  हेरेको यो जुन
साथीसंगी संग  घरि बुद्ध घरि के को आकृति  खेजेको
गुरुको उदाहरंमा, छुने  सपनाको जुन ,
उधारो सपनाको  डोरी समातेर  जहाँ जहाँ  पुगेपनि
 साथी मेरो  बालापन को
 साथी आजपनि उस्तै एकान्तको
 होला अमुल्य कोसेली बोकेर आएको आज पनि  यो जुन l

मञ्जु रेग्मी ,दक्षिण कोरिया