कफीका बारेमा अध्ययन अनुसन्धान गर्न कोरियाली विद्यार्थीको टोली नेपालमा l

लक्ष्मीप्रसाद सापकोटा , पर्वत l

होमस्टे संचालन भएको पर्वतको तिलाहार गाविस स्थित थामर्जुङ्गमा कोरियाको एक विद्यालयका विद्यार्थीको टोली आइपुगेको छ । कफी उत्पादनका लागि पकेट क्षेत्र मानिने थामजर्ङ्ग गाउँमा कफीका बारेमा अध्ययन अनुसन्धान गर्नका लागि कोरियास्थित सियोलमा रहेको ग्युम्सान गान्धी विद्यालयका २५ वना विद्यार्थीको टोली आएको हो ।  खासगरी नेपालवाट बढि मात्रामा कफी कोरीयामा निर्यात हुने र कफीको बारेमा अध्ययनका लागि उनिहरु यहाँ आइपुगेका हुन् ।

उनीहरु हिमालयन अग्र्यानिक प्रालिको सहयोगमा थामर्जुङमा आइपुगेका हुन् । नेपाली कला सँस्कृति, रहनसहन, रितिरिवाज र नेपाली जीवनशैलिका वारेमा बुझ्नका लागि नेपाल आएको ग्युम्सान गान्धी विद्यालयका शिक्षक गोनीले बताए । उक्त टोली एक सातासम्म थामर्जुङमानै रहने र कफी प्रशोधन, उत्पादन र बजारीकरणका वारेमा अध्ययन गर्ने भएका छन् । त्यसैगरी भर्खरै मात्र शुरु भएको गाउँको होमस्टेको प्रवद्र्धन गर्नका लागि पनि उनीहरुको भ्रमणले ठुलो सहयोग पु¥याउने स्थानियको दावी छ ।

स्वाद र गुणस्तरको हिसावले नेपालकै सर्वोकृष्ट कफीको प्रचार, कृषिजन्य बस्तुको उत्पादन तथा प्रबद्र्धन, स्थानीय कला र सँस्कृतिको जगेर्ना गर्दै गाउँ छाडेर जाने वा विदेशीने प्रबृतिलाई रोकी स्थानीयस्तरमै स्वरोजगार सृजना गर्ने उदेश्यले थामर्जुङ गाउँमा होमस्टे संचालन गरिएको हो । जिल्ला कफी व्यवसायी संघ पर्वतको सहयोगमा  स्थानीय हिमाल कफी सहकारी संस्था लिमिटेडले होमस्टे संचालन गरेको हो । अहिले उक्त गाउँका ११ घरमा होमस्टे संचालन भएको छ ।

विद्यार्थीहरुको टोलीलाई स्थानीय हिमाल कफी सहकारी तथा होमस्टे संचालक समितिले बाजागाजा सहित स्वागत गरेको थियो । स्वागतपश्चात आयोजित कार्यक्रममा हिमालयन अर्गानिक प्रालिका डाईरेक्टर सन्तोष पोखरले, टोलीका संयोजक गोनी, लगायतले थामर्जुङको कफी र पर्यटनको सम्भावनाका बारेमा वोलेका थिए । हिमालय कफी सहकारी संस्थाका अध्यक्ष चित्रवहादुर बस्नेतको अध्यक्षतामा सम्पन्न कार्यक्रमको स्वागत सहकारीका कोषाध्यक्ष भिमप्रसाद भट्टराई र संचालन जिला कफि व्यावसायी संघका अध्यक्ष भवानी शर्माले गरेका थिए ।  

-कारोबार