नमस्ते नेपाल कोरिया सम्बादाता
३ , मे २०१५
दक्षिण कोरिया।
नेपाली दुतावास दक्षिण कोरियाले एम ई आर एस ( MERS)सतर्क रहन नेपाली समुदायमा आग्रह गरेको छ । दुतावासले आज एक प्रेस विज्ञप्ती जारी गरी दक्षिण कोरियामा दुईको मृत्यु भई धेरै भन्दा धेरैमा सर्दै गएकोले र यो भाईरसको सक्रमणमा उपचार प्रकृया जटिल रहेकोले यसबाट सतर्क रहन भनेको छ ।
यो भाईरस संक्रमणबाट बच्न धेरै भिडभाड हुने स्थल सकेसम्म नजाने ,सम्भव भएसम्म मुखमा मास्क लगाउने र सम्पर्क गरिने व्यक्तिसंग सकभर अलि पर रहनु पर्दछ l
मर्स भाइरसले दक्षिण कोरियामा महामारीको रुप लिन सक्ने आशंकामा कोरियाको ५ सय ४४ विधालय बन्द गरिएको छ ।
ज्यानमारा रोगको रुपमा पछिल्लो समय कोरियामा मिडल ईस्ट रेसपिरेटरी सिन्ड्रोम भाइरसको कारण २ जनाको ज्यान गएपछि कोरिया सरकार सर्तक बनेको हो ।
श्वासप्रश्वासबाट सर्ने यो रोग जो कोही बिरामीको सिधा सम्पर्कबाट सर्ने गर्दछ । यो रोगको लक्षण भने उच्च ज्वरो आउने, मांशपेशी दुख्ने र वाकवाकी लाग्ने गर्दछ । त्यसैगरी खोकी लाग्ने वा दम बढने, श्वास फेर्न गाह्रो समेत हुने गर्दछ । सामान्य अवस्था बाहेक नाकबाट पानी वग्ने,खोकी लाग्ने,दम बढने र ज्वरो आउने लक्षणहरु देखिएमा स्वास्थ्य संस्थामा सम्पर्क गर्न पनि दुतावासबाट जारी विज्ञप्तीमा अनुरोध गरिएको छ ।
No comments:
Post a Comment