 |
सउलमा भएको प्रदर्शन (फाइल फोटो ) |
नमस्ते नेपाल कोरिया संवाददाता
• २४ अप्रिल २०१५ ।
आज २४ तारिक शुक्रबार दक्षिण कोरियाको मजदुर संगठन कोरीयन कन्फेडेरेसन अफ ट्रेड युनियन
( केसिटियु) ले गरेको आमहडतालमा लाखौ मजदुरहरुको सहभागिताका बीच सम्पन्न भएको छ । कोरिया सरकारले आउदो संसदमा लैजान लागेको नयाँ श्रम नीतिको विरोध गर्दै केसिटियु र एमटीयु ले निरन्तर आन्दोलन गर्दै आईरहेको छ ।
प्रजातान्त्रिक मजदुर महासंघ केसिटियुले अस्थाइ मजदुरले २ बर्ष काम गरे पछि स्थाइ गर्नु पर्ने हालको नियमलाई सशोधन गरि ४ बर्ष काम गरेपछि मात्र स्थार्इ गर्ने ,स्थाइ मजदुरलाइ जुनसुकै अवस्थामा निस्कासन गर्न पाउने, ५५ बर्ष माथिको मजदुरहरूलाई जुनसुकै कम्पनीमा पठाउन सक्ने , तलब बृद्दि गर्ने नियममा परिबर्तन गर्ने, काम गर्ने समयमा परिबर्तन गर्ने लगायतको बिषयलाइ लिएर सरकारले परिबर्तन गर्न लागेको मजदुर निति स्थगित गर्नु पर्ने , न्युनतम ज्याला प्रति घन्टा १० हजार वन हुनु पर्ने, सबै मजदुरहरूको मजदुर हक अधिकार सुनिश्चितता गर्नको लागि मजदुर कानुनको धारा २ को सशोधन हुनु पर्ने , सार्बजनिक कोष मजबुत बनाउनु पर्ने , मजदुरहरूलाई शोषण गरि ठुला कम्पनीहरूलाई मात्र बढि मुनाफा हुने हालको निति खारेज हुनुपर्ने लगायतका मागहरू राखी आज कोरियाका मुख्य सहरहरुमा आम हडताल बृहतरुपमा सम्पन्न गरेको छ |
प्रबाशी मजदुर युनियन (एमटीयू) का अध्यक्ष उदय राईले दिनुभएको जानकारीअनुसार हड्तालमा सरकारी कर्मचारी ,शिक्षक ,यातायात लगाएत १६ घटक मजदुर संघ र १६ वटा क्षेत्रिय कार्यलयमा दर्ता भएको मजदुर संघ लगाएत गरी झन्डै ४ लाख भन्दा बढी मजदुरहरु सहभागी भएका थिए भने मजदुरहरुले कम्पनीको काम ठप्प पारि कोरियाको विभिन्न १४ स्थानमा भेला भई आमसभा र जुलुसहरु गरेका थिए ।
No comments:
Post a Comment