स्याङ्जालीहरुको बृहत भेला तथा रात्रीभोजको तयारी हुँदै

नोम राज गुरुङ
जनवरी–२७, सोल कोरिया ।

स्याङ्जा परिवारले आफ्नो बार्षिक क्यालेण्डर कार्ययोजना अन्तर्गत गर्ने भनिएको ‘स्याङ्जाली बृहत भेला तथा रात्रीभोज’को तयारी गरेको छ । क्यालेण्डर कार्ययोजना अनुसार अगामी सालनालको दोस्रो दिन फेब्रुअरी १९ तारिखमा ‘बृहत स्याङ्जाली भेला तथा रात्रीभोज’ कार्यक्रम आयोजना हुँदैछ । परिवारका अध्यक्ष धर्म तमुको अध्यक्षतामा आईतबार सोलमा बसेको बैठकले भेलाको लागि विभिन्न जिम्मेवारी समेत बाँडफाँड गरेको छ । जसअनुसार भेलास्थलको व्यवस्थापनको जिम्मेवारी लिनुभएको अध्यक्ष गुरुङ्ले दोङ्देमुन मिलीओरेजम स्थित ‘चिकन एण्ड बीयर’ कोरियन रेष्टुरेण्टको हल पक्का भएको जानकारी दिनुभयो । भेलामा बढि भन्दा बढि स्याङ्जालीहरुको उपस्थिती गराउने हेतुले परिवारका उपाध्यक्ष यम गुरुङ्लाई सदस्यता बितरणको जिम्मा दिईएको छ । उपाध्यक्ष गुरुङ्को अनुसार हालसम्म १ सय जनाले स्याङ्जा परिवार दक्षिण कोरियाको साधारण सदस्यता लिईसकेको छ भने सदस्यता बितरणको क्रम जारी छ । त्यस्तै भेलाको लागि विभिन्न संघ–संस्था तथा शुभचिन्तकहरुलाई पत्राचार तथा निम्तो बाँड्ने जिम्मेवारी सचिव कुमार थापालाई दिईएको छ । सचिव थापाले निमन्त्रणा तथा प्रचार प्रसारको लागि तयारी भईरहेको जानकारी दिनुभयो । भेलामा सम्पूर्ण स्याङ्जालीहरुबीच परिचयात्मक कार्यक्रम एवं रात्रीभोजको व्यवस्था गरिएकोले सम्पूर्ण प्रवासी स्याङ्जालीहरुलाई उपस्थित भईदिनुहुन अनुरोध समेत गरिएको छ ।

 त्यस्तै दुबै मृगौला खराब भएर नेपाल फार्किएका पिताम्बर रानालाई स्याङ्जा परिवार दक्षिण कोरियाले ९ लाख १७ हजार वन सहयोग संकलन गरी प्रदान गरेको छ । कोरियाको ख्याङ्गीदो–पुछन्सी–घासन्म्यन म्हाजन्दे स्थित एसोन खागु कम्पनीमा कार्यरत राना मृगौलामा समस्या देखिएपछि नोभेम्बर महिनामा नेपाल फर्किएका थिए । नेपालको पुरानो ठेगाना स्याङ्जा, आलामदेवी–६ र हालको ठेगाना नवलपरासी–९, भुमही स्थाई बासिन्दा रानालाई गएको अक्टुवर २४ मा कम्पनीको नियमित स्वास्थ्य परिक्षण गर्ने क्रममा ब्लड प्रेसर हाई र पिसाबमा समस्या देखिए पछि थप स्वास्थ्य परिक्षणको लागि अस्पताल जान सुझाइएको थियो । त्यसलगत्तै उनी अक्टुबर ३१ गते पुछन्सीको सुँगुरी स्थित उरी फ्यङवनमा थप स्वास्थ्य परिक्षणको लागि जाँदा डाक्टरले दुबै मृगौला खराब भएको प्रमाणित गरेको थियो । त्यसपश्चात पुन नोभेम्बर १० मा अस्पताल भर्ना भई १९ गतेसम्म उनले उपचार गराएका थिए ।  अढाई वर्षअघि कोरियाका आएका रानालाई उपचारको लागि कोरियामा भाषाको समस्या भएपछि र कम्पनीले विदा नदिने भएपछि नेपाल फर्किएका थिए । नेपाल गएपछि भने रानाको स्वास्थ्यमा सुधार आएको रानाले फोन मार्फत जानकारी गराएका छन् । यसैबीच स्याङ्जा परिवारले भईपरि आउँदा प्रदान गर्ने गरी ‘४ लाख वनको आपतकालिन रहात कोष’ स्थापना गरेको छ । सुरुवातमा संस्थाकै कोषबाट रकम छुट्ट्याई सो कामको सुरुवात गरिएको अध्यक्ष धर्म गुरुङ्ले जानकारी दिनुभयो । ‘अहिले थोरैबाट सुरु गरेका छौं यसलाई हामी बढाउँदै लैजानेछौं