‘बाबा मबाच्न चाहन्छु, मलाई बचाइदिनुहोस्’ खाटमा सुतिरहेकी बालिका एलिसा धिमालको रोदनले उनको परिवारमा सन्नाटा छाएको थियो । दलिनमा बसेका उनका बाबुआमासँग पुर्पुरोमा हात राख्नु सिवाय कुनै विकल्प थिएन । छोरीको विलौना सुन्न सक्ने एकातिर अवस्था छैन भने अर्कातर्फ उपचार खर्च कसरी जुटाउने दोहोरो चिन्तामा डुबेका थिए, धिमाल परिवार ।
मोरङको उर्लाबारी–४ स्कुलडाँडाकी ११ वर्षीय बालिका एलिसा धिमाल उपचारको लागि छटपटाई रहेकि थिइन। राजघाट–१ स्थित लक्ष्मी माविमा कक्षा ४ मा अध्ययनरत बालिका एलिसाको साथीहरूसँग खेल्ने क्रममा अकस्मात खुट्टामा ुइन्फेक्सनुभएको थियो । अत्यन्तै विपन्न अवस्थाका तोरबहादुर धिमालले सुुरूमा छोरीको चोटलाई सामान्य रूपमा लिए पनि यतिबेला बालिका एलिसाको अवस्था गम्भीर बनेको छ ।रिक्सा चलाएर दैनिक जीविकोपार्जन गर्दै आएका तोरबहादुर छोरीको उपचार खर्चको अभावमा यतिबेला भौतारिइरहेका छन् । अर्काको घरमा ुजनमनु गर्ने धिमालले सम्पत्तिका नाममा आफूसँग भएको एक हल गोरू चालिस हजारमा बिक्री गरी छोरीको उपचार गरेपनि स्वास्थ्यमा सुधार नआएको बताउनु भयो । यो खबर सगैं केही सहयोग गरौं भन्ने हेतुकासाथ द.कोरियामा विभिन्न पेशामा रहेका मोरंगवासिहरुको संगठन डाइनामिक मोरंग कमिटीले हेमन्त खतिवडाको संयोजकत्वमा रु. ३५७००.........रकम संकलन गरि मिति२०१४/११/१६.. मा डाइनामिक मोरंग कमिटिका नेपाल स्थित प्रतिनिधि भुवन तिम्सिना,ज्ञानु खनाल र डिल्ली दहाल द्वारा वालिकाका वुवा तोर ब.धिमाललाई सहयोग रकम हस्तान्तरण गरिएको संयोजक हेमन्त खतिवडाले जानकारी दिनुभएको छ।
No comments:
Post a Comment