दक्षिण कोरियामा अबैधानिक बसेका नेपालीहरु फर्के अवसर,नफर्के कारवाही हुने

नमस्ते नेपाल कोरिया संवाददाता 
दक्षिण कोरियामा रोजगार अनुमति प्रणाली(ईपिएस)बाट गएर अबैधानिक बसेका नेपाली कामदारहरु स्वदेश फर्के सरकारले विशेष अवसर दिने भएको छ ।
रोजगारको लागि आकर्षक मानिएको कोरिया गएर नफर्कने क्रम बढेपछि नेपालले अवसरको लोभ देखाएर फर्काउन पहल गरेको हो । दक्षिण कोरियाले म्याद सकिएका हरु नफर्के थप कामदार नलिने चेतावनी पत्र दिएपछि सरकारले यस्तो अवसर दिएर फकार्उने प्रयास गरेको हो ।
दक्षिण कोरियाबाट अवैंधानिक वसेकाहरु स्वदेश फर्कनेका लागि सरकारले उद्यमशिलता तालिम र सहुलियतमा रिन दिने स्किमलाउन लागेको खबर नागरीकमा छ ।
श्रम तथा रोजगार राज्य मन्त्री टेक बहादुर गुरुङको संयोजकत्वमा वैशाख १४ गते मन्त्रालय सम्पन्न बैठकले कोरियाबाट फर्कने अवैध कामदारलाई विशेष अवसर दिने निर्णय गरेको थियो । वैदेशिक रोजगारसम्बन्धी नीति निर्माणमा सुझाव दिने निर्देशक समिति बैठकले उद्यमशिलता तालिम , सहुलियत ऋणदेखि अन्य विभिन्न अवसर प्रदान गर्ने निर्णय गरेको ईपिएस दक्षिण कोरिया शाखा नेपालका प्रमुख डिल्ली बास्तोलाले जानकारी दिए ।
गैरकानुनी कामदार आगामी अगस्ट भित्र स्वदेश फर्के तिनको नाम गैर कानुनी कामदारको अभिलेखबाट हटाएर क्लिन चिट दिइने छ । भविष्यमा दक्षिण कोरिया लगायत अन्य मुलुक जान सिफारिस गर्ने , दक्षिण क ोरिया लगायत अन्य मुलुक जान सिफारिस गर्ने , दक्षिण कोरिया जान सिविटी र पिविटीमा सहभागी गराउने र गैरकाननू रुप्मा बसेबावत नेपाल र कोरियाको कानुन बमोजिम हुने दण्ड , जरिवाना मिनाहाको लागि सिफारिस गर्ने लगायतको अवसर सरकारले दिंदै छ । कोरियाले पहिलोपटक २००८ मा ईपिएस मार्फत कामदार लगेको थियो । २००८,२०१०,२०११,२०१३को ईपिएस दिएर २२ हजारभन्दा बढि नेपाली कोरिया पुगेका छन । कोरियाले ६ सय ९७ कामदार अवैधानिक भएको जानकारी गराएको छ ।

ईपिएस शाखा प्रमुख बास्तोलाका अनुसार अवैंध रुपमा बस्नेको संख्या विस्तारै बढेको भन्दै कोरियाले समयमै व्यवस्थापना नभए आगामी दिनमा नेपाली लैजान नसकिने चेतावनी दिएको हो । त्यसपछि नेपाल सरकारले तिनलाई स्वदेश फर्काउन अवसरको योजना ल्याएको हो  । “राम्रो अवसर हुदाहुदै पनि अवैध रुप्मा बस्ने बढिरहेका छन । यसले भविष्यमा अन्य नेपालीलाई असर गर्छ । त्यसैले सरकारी स्तरबाटै पहल भएको हो ” उनले भने । सरकारले तोकिएको समयमा स्वदेश नफर्कने कामदारलाई दण्ड , सजाय हुने जनाएको छ । उनीहरुलाई दक्षिण कोरिया र नेपाल सरकारको अध्यागमण , श्रम तथा सुरक्षालगायत सजाय समेत हुनेछ ।
गैरकानुनी कामदारहरुको नाम , ठेगाना सहितको विवरण आम सञ्चार माध्यमबाट सार्वजनिक गर्ने र ईपिएस कार्यलयको वेवसाईटमा राख्ने सरकारी तयारी छ । उनीहरु भविष्यमा कोरिया लगायत अन्य मुलुकमा रोजगारीको लागि जान नपाउने गरी कालो सूचिमा पर्नेछन । गैरकानुनी बस्दा श्रम शोषण वा कुनै समस्यामा परे उद्धार गर्न नसकिने शाखाले प्रष्ट पारेको छ ।

यसअघि दक्षिण कोरियाले समय सकिएपछि पनि नफर्केको भन्दै भियतनामी कामदार लिन रोकेको थियो । नेपाललाई पनि त्यस्तै चेतावनी दिएको छ  । भियतनामी कामदार अवैधानिक रुपमा बस्ने क्रम बढेपछि २०१३ मा उसले त्यहाको कामदार लिएन ।
गैरकानुनी कामदारहरुको नाम , ठेगाना सहितको विवरण आम सञ्चार माध्यमबाट सार्वजनिक गर्ने र ईपिएस कार्यलयको वेवसाईटमा राख्ने सरकारी तयारी छ । उनीहरु भविष्यमा कोरिया लगायत अन्य मुलुकमा रोजगारीको लागि जान नपाउने गरी कालो सूचिमा पर्नेछन ।