गजल एल्बम ‘गह’ र बुद्धि मोक्तानको गजल संग्रह "फुल्न देउ " सार्वजनिक l

नमस्ते नेपाल कोरिया संवाददाता l
प्रवासमा रहेर नेपाली गीतसंगीत र साहित्यमा क्रियाशील रहँदै आएका बुद्धि मोक्तान, अज्ञात पाल्पाली, प्रेम कौशल र आनन्द भट्टराईको गजल एल्बम ‘गह’ र बुद्धि मोक्तानको गजलसंग्रह ‘फूल्न देऊ मलाई’ सार्वजनिक गरिएको छ । राजधानीमा शनिबार एक कार्यक्रमको आयोजना गरी गजलकार ललिजन रावल, संगीतकार बुलु मुकारुङ, गजलकार रमेश सुवेदीलगायतले संयुक्त रुपमा उक्त गजलसंग्रह सार्वजनिक गरेका हुन् ।

वैदेशिक रोजगारीको सिलसिलामा विदेश(दक्षिण कोरिया ) पुगेका गह परिवारका मोक्तान, पाल्पाली, कौशल र भट्टराईका साहित्यिक सिर्जनाहरुलाई समावेश गर्दै गजल एल्बम गह प्रकाशनमा ल्याइएको हो । उक्त एल्बम गहमा प्रत्येक गजलकारको दुई÷दुई सिर्जना रहेको छ भने त्यसमा बालन्द राईले एकल संगीत दिएका छन् ।

गह एल्बमा का चार सर्जकहरु मध्ये अज्ञात पाल्पाली र प्रेम कौसल परदेशमै रहेको उल्लेख गर्दै बिदेशमा आफुले डिउटी समय बाट बचेँको समयलाई सदउपयोग गरी " फुल्न देउ मलाई " गजल सङ्ग्रह बनाउन सफल भएको कुरा सिर्जनाकार बुद्धि मोक्तानले  बताए तथापी आफुले परदेश पुगेर मात्र लेख्न थालेको चाँही नभएको पनि उल्लेख गरे । गजल एल्बम गह र फुल्न देउ मलाई गजल सङ्ग्रह को बिक्री बाट आएको रकम के गर्नु हुन्छ भनी सचारकर्मीको एक जिज्ञासामा सिर्जनाकार मोक्तानले पहिलो त नेपाली गीत संगीत बिशेषत गजलको उन्नती प्रगती र बिकासमै खर्चिने र दोश्रो दीन दुखी जो बिरामी भएर आर्थिक अभावले छट्पटाएका हुन्छन उनीहरुलाई  सहयोग गर्ने बताए ।  भर्खर मात्रै चितवन बिरेन्द्र नगर -१ कि नानु मैया तामाङ जस्को दुबै म्रिगौला काम नलाग्ने र उनकै छातीमा दुध खोजीरहेकी तीन महिनाको छोरी छिन, ति महिलालाई गह परिवारले आर्थिक सहयोग गरेको पनि बताए ।    

गह एल्बममा विमला राई, सत्यराज आचार्य, उदय सोताङ, मनिला सोताङ स्वरुप राज आचार्य ,श्रेया सोताङ राज सिग्देल र सन्ध्या राइको स्वर   रहेको छ
लोकपर्ण समारोहमा संगीतकार बुलु मुकारुङ, ललिजन रावल, परिवर्तन भट्टराई,रमेश सुबेदी ,बिपुल सिजापती ,रमेश कडेल  लगायत गजल एल्बम र गजल संग्रहमाथि टिप्पणी गर्दै सफलताको शुभकामना दिएका थिए भने शशी शर्मा मजगैयाले कार्यक्रम संचालन गरेका थिए ।