कोरियामा रहेका नेपालीहरुलाई निशुल्क सेवा र परामर्श l

मीन प्रकाश उप्रेती- सउल ,कोरिया l
कोरियामा रहेका नेपालीहरूले अब नेपाली स्वास्थकर्मीबाट निःशुल्क सेवा र परामर्श पाउने भएका छन् । डाक्टर बिरेन्द्र तिवारीले कोरियामा रहेका नेपालीहरुका लागि यसकिसिमको सेवाको थालनी गर्नुभएको हो । डा. तिवारी कोरियाको मेडिकल कलेजबाट पिएचडि गरी हाल क्एउङ ही युनिभरसिटि स्कुल अफ डेन्टीस्ट्रिमा अनुसन्धानरत हुनुहुन्छ ।

डा. तिवारीसँग श्वास् कर्मीको रूपमा नेपालका विभिन्न अस्पातलहरुका सेवा र अध्यापनको अनुभव छ । डा. तिवारी चीनस्थित थ्रि गरजेज मेडिकल साईन्स कलेजमा पनि केही महिनाको अध्यापन गरी सक्नु भएको छ । लेखनाथ नगरपालिका बेगनास घर भएका ४९ वर्षीय डा. तिवारी नेपालमा माईक्रो बाईलोजि विषयको अनुसन्धान समन्धि राम्रो र भर पर्दो व्यवस्था नभएका कारण कोरियाको अनुभवलाई नेपालमा लगाउने सोचमा हुनुहुन्छ ।

आफ्नो चार वर्षको अध्यायनमा कोरियामा रहेका नेपालीहरूलाई श्वास्थ्य र मानसिक तनाव सबन्धी परामर्शको आवश्यकता रहेको बताउदै डा. तिवारीले अगाडि भन्नुभयो, 'कोरियामा यति धेरै आत्माहत्या र मानसिक तनावमा रहने एउटा कारण काउन्शिलिङकै अभाव पनि रहेको हुँदा आफूले बचेको समय त्यसका लागि खर्चने सोच बनाएको हुँ ।' 'अब म मेरो अफिस समयदेखि बचेको सम्पूर्ण समय कोरियामा रहेका नेपालीहरुका लागि निःशुल्क रूपमा खर्चने छु' डा. तिवारीको भनाई थियो ।

कोरियमा उपचार सबन्धि राम्रो व्यवस्था भएपनि भाषाकै कारणले नेपालीहरूले स्पष्ट कुरा राख्न र बुज्न नसक्नाले पीडामा परेको उहाँको भनाइ छ । तिवारीको यस अभियानलाई कोरिय स्थित पत्रकारहरुको सञ्जाल “कोरिया सन्देश क्लब”ले सम्योजन गर्ने भएको छ । कोरियाका विभिन्न स्थानहरुमा गई स्वासथिय समन्धि निःशुल्क सेवा र परामर्ष गराउने गुम्ति सेवाको व्यवस्था गराउने जिम्मा भने कोरिया सनदेश क्लबले लिएको छ ।

उक्त सेवाहरू घुम्ति परामर्शका अतिरिक्त फोन, इमेल र विभिन्न इन्टरनेट माध्यामबाट पनि पाउन सकिने कोरिया सन्देश क्लबका सचिव दिनेश बिश्वकर्मले जनाउनु भएको छ ।