गजल
भुवन बजगाईं
सोल ,कोरिया
हल्ली हिड्नी तिम्रो छोरो कमाउँदै छ आमा
मन भित्र सपनाको महल बनाउँदै छ आमा
गर्नु पनि के के पर्नी देशै छाडे पछि
धुलो मैलो नाना थरि गनाउँदै छ आमा
दिन भरिको थकान अनि तनाब मेटाउन
एक दुई घण्टा इन्टरनेटमा रमाउँदै छ आमा
गर्छु केहि फर्कि भनि आफ्नै मातृभुमि
औला भाँची दुई चार पैसा बचाउँदै छ आमा
हल्ली हिड्नी तिम्रो छोरो कमाउँदै छ आमा
मन भित्र सपनाको महल बनाउँदै छ आमा
No comments:
Post a Comment