सामाजिक अनुशासन सरोकार समिति

कमलप्रसाद अर्याल ,कोरिया 

हामी नेपाली जहाँ पुगिन्छ त्यहाँ एउटा  सामुदायिक चेतना, सेवाभाव र करुणा भावको विकास पनि संगै भए हुन्थ्यो भन्ने भाव हामीमा जागृत हुन्छ l बर्मा गए कर्म संगै भनेजस्तो प्रवास भूमिमा  सामाजिक चेत र  राष्ट्रभक्तिको भाव झन् परिपाकमा पुग्छ l विदेशमा पसिना बगाउँदा सन्तोष भने  हुदैन ,विदेशको  झिलिमिली र देशको दुर्गति दुबैको तुलनात्मक समीक्षा गरिन्छ मन कुडिन्छ l गाउँ घर गरिबी ,बेथिति निवारण  अनि आफ्नो समुदायको हीतमा मेरो जीवनको केही अंश र कमाइको केही अंश प्रयोग होस् भन्ने महान् सामाजिक भाव चेतना  जाग्छ l त्यसैको प्रतिफल दक्षिण कोरियामा  पनि  निकै सस्थाहरू विकसित भएका छन् l तर  सबैमा विशुद्द सेवा भाव नै हुन्छ भनेर भन्न सकिने अवस्था देखिएन  त्यसैको प्रतिफल केही सामाजिक सस्थाका प्रतिनिधिहरू हरेक कार्यक्रममा देखिने बाँकी समुदायको सामाजिक सस्था  र तिनका व्यवहारमा सरोकारमा  नराख्ने अवस्थाले सामाजिक सस्थाहरू सबैको साझा बन्न सकिरहेका छैनन् l दुखद कुरा हो  सामाजिक सस्थाभित्र बिधि निषेधको सीमा नहुनु  ,बिधि प्रक्रियाको  अभाव हुनु  ,आर्थिक अनुशासनको अभाव  काम कर्तब्य र अधिकार ,कार्यक्षेत्रको सीमा नहुनु जस्ता कुराले  नेपाली समुदाय र सस्थाबीचको दुरी बढेको छ l  सस्थाको खोल ओढेर व्यक्तित्व विज्ञापनमा मात्र चासो राख्नु  चरित्र हत्या र व्यक्तित्व विज्ञापन बीच यहाँको पत्रकारिता विकसित भएको छ l राष्ट्र र समाजको हीत न्यायको विषयवस्तुमा पत्रकारिता  चलेको भ्रम पत्रकारिताको मर्म बिपरित फेसबुके धम्की मै शिखरमा पुगेको ठान्ने प्रवृत्ति , नेपालीबाटै नेपाली ठगिएको अवस्थाका बीच बीस तीस थान थपडीले सस्था हकिनु ,नेपाली समुदाय पाँच/दश  स्वतन्त्र समुदाय निर्माण गरी छुट्टीमा मनोरंजन गर्ने खाने पिउनेमा मस्त हुने गरी दुई कित्तामा विभाजित छन् l यही दोस्रो कित्ताको क्रियाकलाप नै ठीक रहेछ भन्ने पुष्टि भै सकेको अवस्था छ l
विमानस्थलबाट तालिमकेन्द्र पुग्दादेखि ठगिने क्रम सुरु हुन्छ l १४ हजार वनमा पाउने खान कार्ड १९ हजारमा बेचियो l हामी सय भन्दा बढी आएका थियौ  सबैले किनेर परिवारलाई  सकुसल आएँ भन्नु पर्ने थियो l सामाजिक संघ सस्था  अनेक बहानामा पैसा माग्छन् ,एम्बुलेन्स,विद्यालय,अनाथ बालवालिका ,गरिव समुदाय हीत, बिरामी आश्रयस्थल निर्माण र अनेक अनेक एजेन्डा ल्याउछन् l हामी भावुक र कारुणिक हुन्छौ ,छोरीलाई जामा किन्न पुग्ने पैसा दान गर्छौं तर सबैको पैसा जम्मा भएर कति भो ?के गरियो? भन्ने कुरा  सोध्दा  गोजीको पैसा छामेजस्तो ठान्ने प्रवृति पनि छ , यो अत्यन्त दुखद् कुरा हो l सलनाल छुसकमा सास्कृतिक कार्यक्रम हुन्छ कति आम्दानी भो जान्ने हक हुनुपर्ने  हो  l चलचित्र देखाइन्छ, चिटट्टा खोलिन्छ ,जुन सामजिक प्रयोजन देखाइन्छ त्यो पुरा भएको हुदैन l जान्ने हक प्रयोग गर्दा दादागिरी देखाइन्छ अनि किन गर्ने सहयोग भन्ने भाव आउनु स्वाभाविक हो l नेपाली सम्पर्क समितिले सस्था  दर्ता गर्ने अवधारणा ल्यायो तर यी सस्था दर्ता बिहीन छन् दर्ता बिहीन सस्थालाई गरेको सहयोगको नेपाली सम्पर्क समिति जिम्मेवार छैन भन्दैन l सलनाल छुसकमा कार्यक्रम गर्ने अनुमति दिन्छ हिसाब माग्दैन ,सरोकारवाला देखाउनु कर्तब्य ठान्दैनन् l कसैलाई अनुमतिबीना  गरिदै छ सहयोग नगर्नुस् भन्न भने पछि पर्दैन l हेर्न सुन्न र देख्न नसकिने बेथिति छ l
चालीस रुपियाँ दरका किताब ल्याएर हजारमा बेचिन्छन् लेखकको सहयोगार्थ  तर लेखकको  अनुरोध पत्र  देखाइदैन लेखकको विवरण  खोज्दा मान्छे  निर्लज्ज हुन्छ l यस्ता धेरै  विषयवस्तु छन् जसमा कसैको ध्यान जान सकेको छैन तर ध्यान जानुपर्छ l हामी यस्तै अनेक  विषयवस्तुमा  सरोकार राख्ने छौ l सामाजिक न्याय स्थापना होस्  ,भन्ने  राम्रो उद्देस्यसहित हामी अग्रसर भएका छौ l कोरियामा रहेका नेपाली समुदायको इच्छा पनि हो , हाम्रो उद्देस्य  सालीन, भद्र,शिष्ट  किसिमले सामुदायिक सम्पती र न्यायको संरक्षण गर्नु रहने छ l विवाद सिर्जना गरे  हिसाब देखाउनु पर्दैन भन्ने मानसिकता भएकाको प्रतीकारमा भने आवस्यक परे उत्रनु पर्नेछ l न्यायोचित मार्गमा लाग्दा कसैको डर धम्की र प्रलोभनमा नपर्ने प्रतिबद्दता सबैमा हुनेछ l
यस महान् अभियानलाई सफलतामा पुर्याउन पर्याप्त तयारी पुगेको भए पनि सबैमा सहयोगको अपेक्षा  गरिन्छ l विशेष गरी कोरियामा  सामाजिक क्षेत्रमा क्रियाशील संघ सस्थाको अनुभव बटुलेका समाजसेवी  पवित्र उद्देस्य र महान् आदर्श बोकेर सच्चा मनले सामाजिक सेवामा क्रियाशील व्यक्ति र संगति  चाहने  सचेत नेपाली  नागरिकमा  यसै लेख मार्फत आफ्नो सहभागिता जनाउनु हुन अनुरोध गर्दछु l यसले  पवित्र उद्देस्य  राख्नेको  मूल्यको कदर र गलत नियत राख्नेको  नियत प्रष्ट भई यो समाज प्रदुषित हुनबाट जोगाउन सकिन्छ l पर्याप्त छलफल गरी योग्यता पुगेका व्यक्तिहरूबाट समिति निर्माण हुनेछ l समितिमा रहने सदस्य हरूबीच उद्देस्य ,काम कर्तब्य र अधिकार ,कार्यक्षेत्र आदिका विषयमा व्यापक छलफल गरी निर्देशिका तयार गरिने छ l प्रारम्भमा  यो कमिटि तदर्थ ढाँचाको हुनेछ ,सरोकारवाला समिति र यहाँका जिम्मेवार समुदायबीच वार्ताको वातावरण भएमा  यसले स्थायित्व प्राप्त गर्ने छ l यो समिति  जनचेतना जगाउने र सामाजिक न्याय स्थापना गर्ने कार्यमा क्रियाशील रहने छ यस समितिको नाम 'सामाजिक अनुशासन सरोकार समिति 'रहने छ  l छलफलका निम्ति कोरियामा ०१०४८८३०८५७ मा सम्पर्क गर्नसक्नुहुने छ l लेखकलाई फेसबुक मार्फत सम्पर्क गरी  म्यासेज बक्स निखित र  भाइवरमा ०१०५९२५५२१८ मा सम्पर्क हुन सक्नेछ l यस महान्  अभियानमा सहयोग गर्नुहुन सबैमा अनुरोध गर्दछु l